Elbasy N.Nazarbaev Parlament Májilisi Biýrosynyń otyrysyna qatysty, dep habarlaidy "Ult aqparat" Aqordaǵa silteme jasap.
Nursultan Nazarbaev memlekettiń strategiialyq baǵdarlamalaryn odan ári tiimdi júzege asyrýdyń mańyzdylyǵyn atap ótip, Qazaqstan Respýblikasynyń Premer-Ministri laýazymyna Asqar Maminniń kandidatýrasyn talqylaýǵa usyndy.
– Burynǵy Úkimet otstavkaǵa ketti. Osyǵan bailanysty sizdermen jańa Premer-Ministr Asqar Maminniń kandidatýrasyn usynyp otyrmyn. Onyń mol tájiribesi bar. Shirek ǵasyrdan beri birge jumys istep kelemiz. Qala ákimi, kólik ministri, Premer-Ministrdiń birinshi orynbasary boldy. Onyń jetekshiligimen, ásirese infraqurylymdy damytý salasynda, kóp jumys atqaryldy, – dedi Qazaqstan Prezidenti.
Nursultan Nazarbaev Asqar Maminniń integratsiialyq birlestikterdiń jumysyna, sondai-aq birlesken jobalardy iske asyrýǵa belsendi atsalysqanyn aitty.
– Qazir kúrdeli kezeń. Aldymyzda mańyzdy mindetter tur. Alǵa jyldam umtylýymyz kerek, – dedi Memleket basshysy.
Jiyn barysynda Parlament Májilisindegi saiasi partiialar fraktsiialarynyń jetekshileri men komitetter tóraǵalary Qazaqstan Respýblikasynyń Premer-Ministri laýazymyna usynylǵan Asqar Maminniń kandidatýrasyn qoldady.
