ەلباسى ن.نازارباەۆ پارلامەنت مەجٸلٸسٸ بيۋروسىنىڭ وتىرىسىنا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
نۇرسۇلتان نازارباەۆ مەملەكەتتٸڭ ستراتەگييالىق باعدارلامالارىن ودان ەرٸ تيٸمدٸ جٷزەگە اسىرۋدىڭ ماڭىزدىلىعىن اتاپ ٶتٸپ, قازاقستان رەسپۋبليكاسىنىڭ پرەمەر-مينيسترٸ لاۋازىمىنا اسقار ماميننٸڭ كانديداتۋراسىن تالقىلاۋعا ۇسىندى.
– بۇرىنعى ٷكٸمەت وتستاۆكاعا كەتتٸ. وسىعان بايلانىستى سٸزدەرمەن جاڭا پرەمەر-مينيستر اسقار ماميننٸڭ كانديداتۋراسىن ۇسىنىپ وتىرمىن. ونىڭ مول تەجٸريبەسٸ بار. شيرەك عاسىردان بەرٸ بٸرگە جۇمىس ٸستەپ كەلەمٸز. قالا ەكٸمٸ, كٶلٸك مينيسترٸ, پرەمەر-مينيستردٸڭ بٸرٸنشٸ ورىنباسارى بولدى. ونىڭ جەتەكشٸلٸگٸمەن, ەسٸرەسە ينفراقۇرىلىمدى دامىتۋ سالاسىندا, كٶپ جۇمىس اتقارىلدى, – دەدٸ قازاقستان پرەزيدەنتٸ.
نۇرسۇلتان نازارباەۆ اسقار ماميننٸڭ ينتەگراتسييالىق بٸرلەستٸكتەردٸڭ جۇمىسىنا, سونداي-اق بٸرلەسكەن جوبالاردى ٸسكە اسىرۋعا بەلسەندٸ اتسالىسقانىن ايتتى.
– قازٸر كٷردەلٸ كەزەڭ. الدىمىزدا ماڭىزدى مٸندەتتەر تۇر. العا جىلدام ۇمتىلۋىمىز كەرەك, – دەدٸ مەملەكەت باسشىسى.
جيىن بارىسىندا پارلامەنت مەجٸلٸسٸندەگٸ ساياسي پارتييالار فراكتسييالارىنىڭ جەتەكشٸلەرٸ مەن كوميتەتتەر تٶراعالارى قازاقستان رەسپۋبليكاسىنىڭ پرەمەر-مينيسترٸ لاۋازىمىنا ۇسىنىلعان اسقار ماميننٸڭ كانديداتۋراسىن قولدادى.
