Nursultan Nazarbaev Amerika Qurama Shtattarynyń Memlekettik hatshysy Maik Pompeomen kezdesti, dep habarlaidy Elbasynyń resmi saity.
Áńgime barysynda Maik Pompeo Qazaqstannyń Tuńǵysh Prezidentine AQSh Prezidenti Donald Tramptyń jyly lebizderin jetkizdi.
Nursultan Nazarbaev eki eldiń strategiialyq seriktestigin nyǵaitýǵa baǵyttalǵan birlesken kúsh-jiger men qabyldanǵan sharalardy atap ótti.
– Táýelsizdiktiń bastapqy kezeńinde biz «Shevron» kompaniiasymen kelisim jasadyq. Osy sátten bastap Qazaqstanǵa amerikalyq investitsiialar keldi. Búgingi tańda bizde 410 birlesken kásiporyn bar. Amerikalyq investitsiialardyń kólemi 45 milliard dollardan asty, - dedi Elbasy.
Óz kezeginde Maik Pompeo Qazaqstanǵa sapary jáne kelissózderdiń nátijeleri týraly aitty.
– Men Prezident Qasym-Jomart Toqaevpen jáne Qazaqstannyń Syrtqy ister ministrimen mańyzdy kezdesýler men kelissózder ótkizdim. Siz Amerika Qurama Shtattarynyń burynnan kele jatqan dosysyz. Elderimizdiń arasynda ózara tiimdi seriktestik qalyptasqan. Qazaqstandaǵy oń ózgerister Sizdiń jeke eńbegińiz dep bilemin. Eldiń damý deńgeii de meni tánti etti, - dedi AQSh -tyń Memlekettik hatshysy.
