Elbasy Amerika Qurama Shtattarynyń burynǵy Vitse-Prezidenti Albert Gormen telefon arqyly sóilesti, dep habarlaidy "Ult aqparat" Elbasynyń resmi saityna silteme jasap.
Taraptar 1994-1999 jyldardaǵy Qazaqstan-Amerika saiasi jáne ekonomikalyq salalardaǵy ekijaqty qatynasyn tereńdetý jónindegi N.Nazarbaev-A.Gor birlesken komissiiasynyń jemisti qyzmetin joǵary baǵalady.
Nursultan Nazarbaev pen Albert Gor Qazaqstan men AQSh-tyń qorshaǵan ortany qorǵaý salasyndaǵy ózara is-qimyldy keńeitý jáne jahandyq klimattyń ózgerýine qarsy kúres salalarynda kúsh-jiger biriktirý múmkindikterin talqylady.
Elbasy men AQSh-tyń burynǵy Vitse-Prezidenti halyqaralyq kún tártibindegi ózekti taqyryptar tóńireginde, sonyń ishinde COVID-19 pandemiiasyn eńserý, dúnie júzinde jáne Ortalyq Aziiada turaqtylyq pen qaýipsizdikti nyǵaitý máseleleri boiynsha pikir alysty.
Senim daǵdarysyna, sanktsiialyq teketiresterge jáne álemdik derjavalar arasyndaǵy básekelestiktiń jańa deńgeiine bailanysty alańdaýshylyq bildirdi.
Osy oraida Qazaqstan Respýblikasynyń Tuńǵysh Prezidenti planetadaǵy ózekti máselelerge qatysty Resei, AQSh, Qytai jáne Eýropalyq Odaq arasynda aýqymdy strategiialyq dialog bastaý jónindegi óziniń bastamasyna nazar aýdardy.
Telefon arqyly sóilesýge Amerika tarapy bastamashy boldy.
