ەلباسى امەريكا قۇراما شتاتتارىنىڭ بۇرىنعى ۆيتسە-پرەزيدەنتٸ البەرت گورمەن تەلەفون ارقىلى سٶيلەستٸ, دەپ حابارلايدى "ۇلت اقپارات" ەلباسىنىڭ رەسمي سايتىنا سٸلتەمە جاساپ.
تاراپتار 1994-1999 جىلدارداعى قازاقستان-امەريكا ساياسي جەنە ەكونوميكالىق سالالارداعى ەكٸجاقتى قاتىناسىن تەرەڭدەتۋ جٶنٸندەگٸ ن.نازارباەۆ-ا.گور بٸرلەسكەن كوميسسيياسىنىڭ جەمٸستٸ قىزمەتٸن جوعارى باعالادى.
نۇرسۇلتان نازارباەۆ پەن البەرت گور قازاقستان مەن اقش-تىڭ قورشاعان ورتانى قورعاۋ سالاسىنداعى ٶزارا ٸس-قيمىلدى كەڭەيتۋ جەنە جاھاندىق كليماتتىڭ ٶزگەرۋٸنە قارسى كٷرەس سالالارىندا كٷش-جٸگەر بٸرٸكتٸرۋ مٷمكٸندٸكتەرٸن تالقىلادى.
ەلباسى مەن اقش-تىڭ بۇرىنعى ۆيتسە-پرەزيدەنتٸ حالىقارالىق كٷن تەرتٸبٸندەگٸ ٶزەكتٸ تاقىرىپتار تٶڭٸرەگٸندە, سونىڭ ٸشٸندە COVID-19 پاندەميياسىن ەڭسەرۋ, دٷنيە جٷزٸندە جەنە ورتالىق ازييادا تۇراقتىلىق پەن قاۋٸپسٸزدٸكتٸ نىعايتۋ مەسەلەلەرٸ بويىنشا پٸكٸر الىستى.
سەنٸم داعدارىسىنا, سانكتسييالىق تەكەتٸرەستەرگە جەنە ەلەمدٸك دەرجاۆالار اراسىنداعى بەسەكەلەستٸكتٸڭ جاڭا دەڭگەيٸنە بايلانىستى الاڭداۋشىلىق بٸلدٸردٸ.
وسى ورايدا قازاقستان رەسپۋبليكاسىنىڭ تۇڭعىش پرەزيدەنتٸ پلانەتاداعى ٶزەكتٸ مەسەلەلەرگە قاتىستى رەسەي, اقش, قىتاي جەنە ەۋروپالىق وداق اراسىندا اۋقىمدى ستراتەگييالىق ديالوگ باستاۋ جٶنٸندەگٸ ٶزٸنٸڭ باستاماسىنا نازار اۋداردى.
تەلەفون ارقىلى سٶيلەسۋگە امەريكا تاراپى باستاماشى بولدى.
