Aǵylshyn tiliniń keregi ne deitinder - qazaqqa qarsy jumys isteitin adamdar. Bul týraly búgin Úkimettiń keńeitilgen májilisinde Qazaqstan Prezidenti Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
QR Prezidenti damyǵan elderde qabyldanǵan 12 jyldyq bilim berý júiesine kóshýdiń, úsh tilde oqytýdyń paidasyn jáne ulttyq biryńǵai testileýdiń paidasyn halyqqa naqty túsindirý qajettigin basa aitty. Bul rette Aqparat jáne kommýnikatsiialar ministri Dáýren Abaevqa túsindirý jumystaryn qolǵa alýdy tapsyrdy.
«Men qabyldanǵan bul baǵyttardyń barlyǵy da durys dep sanaimyn. Biraq, ony durystap túsindirip, júzege asyrý qajet. Muny barlyǵy da túsinýi kerek. Qajettiligin kóp aitqan bolatynbyz. Ái, onyń, aǵylshyn tiliniń keregi ne deitin adamdar - qazaqqa qarsy jumys isteitin adamdar, erteńimiz bolmasyn degen adamdar. Biz jalǵyz emespiz. 1,5 mlrd. astam halqy bar Úndistan táýelsizdik alǵan kezde hindi tiline kóshken bolatyn. 4 jyldan keiin qaitadan aǵylshyn tiline oraldy. Malaiziia da sóitken bolatyn. Ol da qaityp keldi. Sebebi, dúniedegi barlyq ǵylym, jańalyq aǵylshyn tilinde bolyp jatyr. Qaitemiz endi. Bizdiń sharýamyz emes, ol. Memlekettiń, dúnieniń sharýasy. Jastarymyz, balalarymyz aǵylshyn tilin bilmese, Qazaqstannyń bolashaǵyna kedergi bolady. Túsindirý kerek», - dedi Nursultan Nazarbaev.
Sonymen qatar Elbasy bilim salasyndaǵy reformalardy qoǵammen jan-jaqty talqylap, túsindirý jumystaryn júrgizý kerektigin eskertti.
.jpeg)