Elbasy Astana kúnine arnalǵan saltanatty qabyldaýǵa qatysty, - dep habarlaidy "Ult aqparat" Aqoradaǵa silteme jasap.
Is-sharaǵa Parlament depýtattary, Úkimet músheleri, memlekettik organdardyń, diplomatiialyq korpýstyń, ziialy qaýymnyń, isker toptardyń jáne mádeniet salasynyń ókilderi qatysty.
Memleket basshysy barsha jurtty Astana kúnimen quttyqtap, 19 jyl ishinde elimizdiń bas qalasy joǵary qarqynmen damyǵanyn atap ótti.
– Astana – ǵajap qala. Keshe keshke qarai qalany aralap shyqtym. Keshki mezgilge qaramastan, kóshede qydyryp júrgen kóptegen adamdy kórdim. Bul kóp nárseni ańǵartady. Adamdardyń kóńil-kúii jaqsy, ózderin qaýipsiz sezinedi. Sonaý erte zamannan «Qala qabyrǵasymen emes, adamdarymen kórikti» degen sóz qalǵan, – dedi Qazaqstan Prezidenti.
Nursultan Nazarbaev Astananyń búgingi damý yrǵaǵy búkil elimizdiń jańarýyna serpin beretinin aitty.
– Biz ekonomikada, saiasatta jáne mádeniette aýqymdy jańǵyrýdy iske asyryp kelemiz. Sol jumystyń nátijesi elimizdi damytýǵa arnalǵan. Damýymyzdyń basynda árdaiym Astana turady. Biz munda túrli máseleni, sonyń ishinde álemniń ár túkpirinde beibitshilik ornatý máselesin de sheship kelemiz. Bizdiń beibit, tatý kórshilik jáne investitsiia tartý jónindegi saiasatymyz árbir Qazaqstan azamaty úshin qolaily jaǵdai jasaýǵa baǵyttalǵan, – dedi Elbasy.
Sondai-aq, Qazaqstan Prezidenti «EKSPO-2017» halyqaralyq kórmesin ótkizýdiń mańyzdylyǵyn jáne onyń qalamyz ben elimizdi odan ári damytýdaǵy rólin atap ótti.
– Qazir Qazaqstan «EKSPO-2017» kórmesiniń arqasynda halyqaralyq qoǵamdastyq nazaryn ózine aýdartyp otyr. Qonaqtarymyz Astanaǵa tamsana qaraidy. Biz – ǵasyrlar toǵysynda jańa megapolis salǵan birden-bir memleketpiz. Búginde Astana jylyna el biýdjetine trillion teńge quiyp keledi. Bul oraida, barlyq kiristiń 65 paiyzy shaǵyn jáne orta biznesten túsip otyr. Bárimiz bas qalamyzdyń qalyptasýynyń kýágeri boldyq, – dedi Nursultan Nazarbaev.
Sońynda Elbasy barsha qazaqstandyqtardy elorda kúnimen taǵy da quttyqtap, baq-bereke jáne jańa tabystarǵa jetýge tilektestik bildirdi, sondai-aq Astanany salýǵa atsalysqan azamattarǵa alǵys aitty.
.jpeg)