Qazaqstan Prezidenti Nursultan Nazarbaev 29 tamyzda Qazaqstan aýmaǵynda tarihta alǵash ret tómen baiytylǵan ýran bankiniń ashylý saltanaty ótetinin aitty, - dep habarlaidy kaz.tengrinews.kz tilshisi.
"Biyl 29 tamyzda Iadrolyq synaqtarǵa qarsy halyqaralyq is-qimyl kúni biz Astanada Pagýosh qozǵalysynyń 60 jyl tolýyna bailanysty iadrolyq qarýsyzdandyrýdy oqytý boiynsha mereitoilyq is-shara ótkizýdi josparlap otyrmyz. Sondai-aq, osy kúni tarihta alǵash ret tómen baiytylǵan ýran bankiniń ashylý saltanaty ótedi", - dedi Nursultan Nazarbaev.
Nazarbaev halyqaralyq alańdaǵy turaqsyzdyq pen shielenisýdiń Qazaqstannyń XXI ǵasyrda adamzattyń basty maqsaty iadrolyq qarýsyz álem qurý týraly ideiasynyń ózektiligin rastaidy.
Aita keteiik, Pagýosh qozǵalysy 1957 jyly paida bolǵan. Ol beibitshilik, qarýsyzdaný, qaýipsizdik jáne ǵylym áriptestik úshin birikken ǵalymdardyń, saiasi jáne qoǵamdyq qairatkerlerdiń halyqaralyq qozǵalysy.
Bul qozǵalys qarýsyzdandyrý men qaýipsizdik máseleleri boiynsha kóp tarapty jáne negizgi kelisimshartty jasaýda mańyzdy ról atqardy: Atmosferada, ǵarysh keńistiginde jáne sý astynda iadrolyq synaqtardy ótkizýge tyiym salý týraly; Zymyranǵa qarsy qorǵanys júiesine shekteý qoiý; Biologiialyq jáne himiialyq qarý túrlerin qoldanýǵa tyiym salý týraly konventsiia; Eýropadaǵy jáne basqa elderdegi qarýlandyrý týraly sharttar.
.jpeg)