Elbasy elimizde stýdentter jataqhanasy tapshylyǵyn joiýdy tapsyrdy, - dep habarlaidy Tengrinews.kz. Bul týraly ol Astanada ótip jatqan Qazaqstan Parlamenti palatalarynyń birikken otyrysynda málimdedi.
"Álemdik standarttar boiynsha bilim alý júiesin qurýda bizge oqý jaǵdaiyna, stýdentterdiń turǵyn ornyna nazar aýdarý qajet. Ózderińiz bilesizder, shetterden keletinder qalanyń shetindegi eski ǵimarattardy jaldap, sodan zardap shegip jatady. Mundaida, árine, sapaly bilim alý týraly aitýdyń da qajeti joq. Búginde stýdentterdi jataqhanamen qamtamasyz etý máselesi kóterilip otyr. Bul mindetti sheshý úshin JOO-lar, kolledjder jáne developer-kompaniialar memlekettik-jekemenshik seriktestik printsipi boiynsha jaaqhana qurylysyn bastaýy qajet", - dedi Elbasy.
Sonymen qatar, Nazarbaev Memleket óz tarapynan bilim jáne ǵylym ministrligi arqyly investitsiianyń bir bóligi jataqhana qurylysyna bólinýine kepil bolatynyn málimdedi.
"2022 jyldyń sońyna deiin 25 myń oryndyq jańa stýdenttik jataqhanalar. Bul aldaǵy jyldardaǵy tutyný mólsheri kóbeiýin esepke alǵannyń ózinde máseleni tolyqtai sheshýge múmkindik beredi", - dedi QR Prezidenti.
.jpeg)