Oppozitsiialyq saiasatker Aleksei Navalnyi Reseige 17 qańtarda oralatynyn habarlady. Ol Máskeýge ushaq biletin de alyp qoiǵan.
"Baramyn ba, barmaimyn ba" dep eshqashan oilanǵan emespin. Sebebi men elden ketken joqpyn. Meni óltirmek boldy. Sol sebepti meni Germaniiaǵa reanimatsiialyq qorappen jetkizdi. Resei - meniń otanym, Máskeý - týǵan qalam, ony saǵynyp kettim" dep jazdy saiasattanýshy áleýmettik jelide.
Byltyr tamyz aiynda ýlaný belgilerimen Omby aýrýhanasyna túsken saiasatker eki-úsh kúnnen soń meditsinalyq ushaqpen Berlindegi klinikaǵa jetkizilgen. Birneshe táýelsiz zerthana onyń "Novichok" tobyna jatatyn qaýipti zatpen ýlanǵanyn anyqtaǵan. Ol Berlin aýrýhanasynan shyqqannan keiin Germaniiada saýyqtyrý baǵdarlamasynan ótken.
Resei biligi saiasatkerge qastandyq jasalǵanyn joqqa shyǵarady. Navalnyidy ýlaý oqiǵasy boiynsha da is ashylǵan joq. Arnaiy zertteý júrgizgen halyqaralyq jýrnalister toby Jemqorlyqpen kúres qorynyń negizin qalaýshyǵa FSB qyzmetkerleri qastandyq uiymdastyrýy múmkin ekenin aitqan. Kreml oqiǵaǵa qatysy joǵyn aityp keledi.
