وپپوزيتسييالىق ساياساتكەر الەكسەي ناۆالنىي رەسەيگە 17 قاڭتاردا ورالاتىنىن حابارلادى. ول مەسكەۋگە ۇشاق بيلەتٸن دە الىپ قويعان.
"بارامىن با, بارمايمىن با" دەپ ەشقاشان ويلانعان ەمەسپٸن. سەبەبٸ مەن ەلدەن كەتكەن جوقپىن. مەنٸ ٶلتٸرمەك بولدى. سول سەبەپتٸ مەنٸ گەرمانيياعا رەانيماتسييالىق قوراپپەن جەتكٸزدٸ. رەسەي - مەنٸڭ وتانىم, مەسكەۋ - تۋعان قالام, ونى ساعىنىپ كەتتٸم" دەپ جازدى ساياساتتانۋشى ەلەۋمەتتٸك جەلٸدە.
بىلتىر تامىز ايىندا ۋلانۋ بەلگٸلەرٸمەن ومبى اۋرۋحاناسىنا تٷسكەن ساياساتكەر ەكٸ-ٷش كٷننەن سوڭ مەديتسينالىق ۇشاقپەن بەرليندەگٸ كلينيكاعا جەتكٸزٸلگەن. بٸرنەشە تەۋەلسٸز زەرتحانا ونىڭ "نوۆيچوك" توبىنا جاتاتىن قاۋٸپتٸ زاتپەن ۋلانعانىن انىقتاعان. ول بەرلين اۋرۋحاناسىنان شىققاننان كەيٸن گەرمانييادا ساۋىقتىرۋ باعدارلاماسىنان ٶتكەن.
رەسەي بيلٸگٸ ساياساتكەرگە قاستاندىق جاسالعانىن جوققا شىعارادى. ناۆالنىيدى ۋلاۋ وقيعاسى بويىنشا دا ٸس اشىلعان جوق. ارنايى زەرتتەۋ جٷرگٸزگەن حالىقارالىق جۋرناليستەر توبى جەمقورلىقپەن كٷرەس قورىنىڭ نەگٸزٸن قالاۋشىعا فسب قىزمەتكەرلەرٸ قاستاندىق ۇيىمداستىرۋى مٷمكٸن ەكەنٸن ايتقان. كرەمل وقيعاعا قاتىسى جوعىن ايتىپ كەلەدٸ.
