"Navalnyi" qosymshasy Google Play men App Store-da ashylmai qaldy. Bul týraly reseilik oppozitsiialyq saiasatker Aleksei Navalnyidyń komandasy habarlady, dep jazady Azattyq.
Qosymshada oppozitsiialyq saiasatkerdiń saityndaǵy aqparattar jariialanady. Ol jerde "Aqyldy daýys berý" fýnktsiiasy da bar.
Google Play-di kompiýterden ashqan kezde qosymsha istep tur. Alaida onlain-dúkenniń mobildi nusqasynan ol kórinbeidi. Reseilik "Dojd" telearnasynyń habarlaýynsha, "Navalnyi" qosymshasy App Store-da da istep turǵan joq.
Juma kúni Reseide memlekettik dýma, gýbernatorlar, aimaqtyq jáne qalalyq deńgeidegi depýtattardy sailaý bastaldy.
Sailaý qarsańynda Roskomnadzor Amerikanyń alpaýyt IT-kompaniialaryn atap aitqanda, Google, Apple, Cloudflare men Cisco-ny "Aqyldy daýys berý" júiesine buǵattaýdan sytylyp shyǵýǵa kómektesti dep aiyptaǵan. Vedomstvo eger shetel kompaniialary bul áreketin doǵarmasa, muny "sheteldiń sailaýǵa kiligýi" retinde qarastyramyz dep málimdegen.
Qyrkúiek aiynyń basynda Máskeý soty izdeý toraptaryn "Aqyldy daýys berýdi" izdeý nátijesine shyǵarmaýǵa mindettegen. "Iandeks" kompaniiasy kelisken, al Google kompaniiasy sot sheshimin oryndaýdan bas tartqan. Kompaniianyń Máskeýdegi keńsesine sot pristavtary kelgen.
