"ناۆالنىي" قوسىمشاسى Google Play مەن App Store-دا اشىلماي قالدى. بۇل تۋرالى رەسەيلٸك وپپوزيتسييالىق ساياساتكەر الەكسەي ناۆالنىيدىڭ كومانداسى حابارلادى, دەپ جازادى ازاتتىق.
قوسىمشادا وپپوزيتسييالىق ساياساتكەردٸڭ سايتىنداعى اقپاراتتار جارييالانادى. ول جەردە "اقىلدى داۋىس بەرۋ" فۋنكتسيياسى دا بار.
Google Play-دٸ كومپيۋتەردەن اشقان كەزدە قوسىمشا ٸستەپ تۇر. الايدا ونلاين-دٷكەننٸڭ موبيلدٸ نۇسقاسىنان ول كٶرٸنبەيدٸ. رەسەيلٸك "دوجد" تەلەارناسىنىڭ حابارلاۋىنشا, "ناۆالنىي" قوسىمشاسى App Store-دا دا ٸستەپ تۇرعان جوق.
جۇما كٷنٸ رەسەيدە مەملەكەتتٸك دۋما, گۋبەرناتورلار, ايماقتىق جەنە قالالىق دەڭگەيدەگٸ دەپۋتاتتاردى سايلاۋ باستالدى.
سايلاۋ قارساڭىندا روسكومنادزور امەريكانىڭ الپاۋىت IT-كومپانييالارىن اتاپ ايتقاندا, Google, Apple, Cloudflare مەن Cisco-نى "اقىلدى داۋىس بەرۋ" جٷيەسٸنە بۇعاتتاۋدان سىتىلىپ شىعۋعا كٶمەكتەستٸ دەپ ايىپتاعان. ۆەدومستۆو ەگەر شەتەل كومپانييالارى بۇل ەرەكەتٸن دوعارماسا, مۇنى "شەتەلدٸڭ سايلاۋعا كيلٸگۋٸ" رەتٸندە قاراستىرامىز دەپ مەلٸمدەگەن.
قىركٷيەك ايىنىڭ باسىندا مەسكەۋ سوتى ٸزدەۋ توراپتارىن "اقىلدى داۋىس بەرۋدٸ" ٸزدەۋ نەتيجەسٸنە شىعارماۋعا مٸندەتتەگەن. "ياندەكس" كومپانيياسى كەلٸسكەن, ال Google كومپانيياسى سوت شەشٸمٸن ورىنداۋدان باس تارتقان. كومپانييانىڭ مەسكەۋدەگٸ كەڭسەسٸنە سوت پريستاۆتارى كەلگەن.
