Qostanai oblysy Naýryzym aýdanynda tabiǵat inspektorlary adasyp aýylǵa kirgen bulannyń buzaýyn qutqardy. Bul týraly "Ult aqparat" Orman sharýashylyǵy jáne janýarlar dúniesi komitetine silteme jasap habarlaidy.
«Búgin, iaǵni aqpan aiynyń 5-shi juldyzynda Qostanai oblysy Naýryzym aýdany Qaramendi aýylyna bulannyń buzaýy adasyp kirip ketti. Bul týraly jergilikti turǵyndar habarlaǵan. Habar túskennen soń qoryq inspektorlary adasqan buzaýdy ormanǵa qaita kirgizgen. Qoryq qyzmetkerleriniń deregine súiensek bulan buzaýy qar aralas jańbyrdan soń adasyp qalsa kerek», - dep jazady komitettiń baspasóz hatshysy Aian Meirash jelidegi paraqshasynda.
Onyń aitýynsha, Naýryzym qoryǵynda janýardyń 45 túri mekendeidi. Sonyń biri iri sútqorekti janýar — bulan. Qoryq aýmaǵynda sanaq boiynsha bulannyń 87 basy bar (Qazaqstanda - 6 046). Onyń 24-atalyq, 46-analyq, 17-buzaý.
Negizgi jii meken etetin jeri Betaǵash ormanshylyǵy men Sosnov ormanshylyǵy. Shópter men kókterekterdiń qabyǵyn qorek etedi.
