Naýryz aiynda qoi, siyr, jylqy eti qymbattady. Bul jaiynda QR UEM Statistika komitetinen málim etti, dep habarlaidy "Ult aqparat".
«2020 jylǵy naýryzda 2019 jylǵy jeltoqsanmen salystyrǵanda aýyl sharýashylyǵy qurylymdary ótkizgen aýyl sharýashylyǵy ónimi 2, ósimdik sharýashylyǵy ónimi 2,6 paiyzǵa qymbattady. Al mal sharýashylyǵy ónimine baǵa ózgergen joq», - delingen komitet aqparatynda.
Vedomstvo málimetinshe, osy jylǵy qańtar-naýryzda baǵa qaraqumyqqa - 15, bidaiǵa - 3, júgerige - 0,9, qara bidaiǵa - 0,5, arpaǵa - 0,3, kúrishke - 0,2 paiyz ósip, taryǵa 0,2, sulyǵa 0,1 paiyz tómendedi.
Kartop - 2, ashanalyq sábiz - 1,8, basty piiaz - 0,5, qyryqqabat 0,2 paiyz qymbattady. Ashanalyq qyzylsha 0,2 paiyz arzandady. Baǵa keptirilgen burshaqqa - 4,5, keptirilgen jasymyqqa - 2, kúnbaǵys tuqymyna 1,3 p paiyz ósti. Al soia burshaǵyna 0,3 paiyz tómendedi.
Baǵa qus etine - 3, shoshqa etine 0,4 paiyz tómendedi, al qoi etine - 2,3, iri qara mal etine - 2, jylqy etine 1,5 paiyz ósti. Shiki sút - 3,6, bal 2,1 paiyz qymbattap, jumyrtqa 5,3 paiyz arzandady.
