ناۋرىزدا قوي, سيىر, جىلقى ەتٸ قىمباتتادى - ستاتيستيكا

ناۋرىز ايىندا قوي, سيىر, جىلقى ەتٸ قىمباتتادى. بۇل جايىندا قر ۇەم ستاتيستيكا كوميتەتٸنەن مەلٸم ەتتٸ, دەپ حابارلايدى "ۇلت اقپارات".

«2020 جىلعى ناۋرىزدا 2019 جىلعى جەلتوقسانمەن سالىستىرعاندا اۋىل شارۋاشىلىعى قۇرىلىمدارى ٶتكٸزگەن اۋىل شارۋاشىلىعى ٶنٸمٸ 2, ٶسٸمدٸك شارۋاشىلىعى ٶنٸمٸ 2,6 پايىزعا قىمباتتادى. ال مال شارۋاشىلىعى ٶنٸمٸنە باعا ٶزگەرگەن جوق», - دەلٸنگەن كوميتەت اقپاراتىندا. 

ۆەدومستۆو مەلٸمەتٸنشە, وسى جىلعى قاڭتار-ناۋرىزدا باعا قاراقۇمىققا - 15, بيدايعا - 3, جٷگەرٸگە - 0,9, قارا بيدايعا - 0,5, ارپاعا - 0,3, كٷرٸشكە - 0,2 پايىز ٶسٸپ, تارىعا 0,2, سۇلىعا 0,1 پايىز تٶمەندەدٸ.

كارتوپ - 2, اسحانالىق سەبٸز - 1,8, باستى پيياز - 0,5, قىرىققابات 0,2 پايىز قىمباتتادى. اسحانالىق قىزىلشا 0,2 پايىز ارزاندادى. باعا كەپتٸرٸلگەن بۇرشاققا - 4,5, كەپتٸرٸلگەن جاسىمىققا - 2, كٷنباعىس تۇقىمىنا 1,3 پ پايىز ٶستٸ. ال سويا بۇرشاعىنا 0,3 پايىز تٶمەندەدٸ.

باعا قۇس ەتٸنە - 3, شوشقا ەتٸنە 0,4 پايىز تٶمەندەدٸ, ال قوي ەتٸنە - 2,3, ٸرٸ قارا مال ەتٸنە - 2, جىلقى ەتٸنە 1,5 پايىز ٶستٸ. شيكٸ سٷت - 3,6, بال 2,1 پايىز قىمباتتاپ, جۇمىرتقا 5,3 پايىز ارزاندادى.