2020 jyldyń naýryzynda halyqtyń orta eseppen jan basyna shaqqandaǵy ataýly aqshalai tabysy 109 376 teńge boldy. Bul týraly QR UEM Statistika komitetinen málim etti, dep habarlaidy "Ult aqparat".
«2020 jylǵy naýryzdaǵy halyqtyń orta eseppen jan basyna shaqqandaǵy ataýly aqshalai tabystary baǵalaý boiynsha 109 376 teńgeni (aldyn ala derekter) qurady. Bul 2019 jylǵy naýryzǵa qaraǵanda 12,7 paiyz joǵary. Naqty aqshalai tabys atalǵan kezeńde 5,9 paiyzǵa artty», - dep atap ótedi komitetten.
Vedomstvo málimetinshe, 2020 jylǵy sáýirde bir qyzmetkerdiń ortasha ailyq ataýly jalaqysy baǵalaý boiynsha 195 935 teńgeni qurady.
Al Halyqaralyq eńbek uiymy ádistemesi boiynsha anyqtalǵan jumyssyzdar sany 2020 jylǵy I toqsanda 442,4 myń adam boldy. Jumyssyzdyq deńgeii jumys kúshi sanynyń 4,8 paiyzy. Jumyspen qamtý organdarynda jumyssyzdar retinde tirkelgen adamdar sany 2020 jylǵy sáýirdiń sońynda 155,5 myń adam nemese jumys kúshiniń 1,7 paiyzy boldy.
