Foto: ashyq derekkózden
"Naýryz" baǵdarlamasy bastalǵan alǵashqy kúni 1 124 ótinim sátti qabyldandy, dep habarlaidy "Otbasy banktiń" baspasóz qyzmeti.
"Naýryz" baǵdarlamasyna qatysýǵa niet bildirgen qazaqstandyqtar arasynda 24 pen 35 jas aralyǵyndaǵy jas qazaqstandyqtar kósh bastap tur.
25 sáýir kúni Baspana market (otbasybank.kz) platformasyna alǵashqylardyń biri bolyp astanalyq áskeri azamat ótinim joldaǵan. Ol úsh jyldan beri Otbasy bankindegi depozitine turǵyn úi tólemderin jinaqtap keledi.
Astana turǵyn úi satyp alý úshin eń kóp tańdalǵan Almaty, Shymkent, Aqtóbe men Mańǵystaý oblystary siiaqty top bes qala men aimaq qataryna kirdi.
Baspana market platformasy (otbasybank.kz) saǵatyna orta eseppen 400 ótinimdi qabyldap, óńdedi. "Naýryz" baǵdarlamasy boiynsha ótinimder jumys kúnderi saǵat 9.00-den 21.00-ge deiin qabyldanady.
"Alǵashqy kúnniń qorytyndysy boiynsha qazaqstandyqtar bas-aiaǵy 3 347 ótinim joldady. Turǵyn úii barlar men depozitin qajetti somaǵa 1 mln teńge toltyrmaǵandardyń ótinimderi keri qaitaryldy. 1 124 ótinim sátti qabyldandy, olardyń jartysy turǵyn úi kezeginde turǵan halyqtyń áleýmettik osal toptarynyń ókilderinen kelip tústi", -- delingen habarlamada.
Qatysýshylardy dúrliktirmeý úshin ótinimderdi qabyldaý merzimi barynsha uzartyldy. Ol 25 sáýirden 30 maýsymǵa deiin, eki ai boiy jalǵasady. Sondai-aq ótinim berý kúni men ýaqyty upai sanaǵanda eskerilmeitin bolady.
Sondyqtan bank salymshylary asyqpai óz depozitterin tolyqtyryp, qajet bolǵan jaǵdaida ony týystarynyń depozitterimen biriktirip, baǵdarlamanyń sharttarymen muqiiat tanysyp, sodan keiin ǵana ótinim berýge kirise alady.
Ótinimderdi qabyldaý merzimi aiaqtalǵannan keiin saralaý bastalady. Baǵdarlamaǵa qatysýshylar tizimine eń kóp upai jinaǵan úmitkerler kiretin bolady.
Upailar qalai esepteledi?
salym boiynsha syiaqy mólsheri - árbir 1 000 teńge úshin 1 upai;
tirkelgen nekeniń bolýy - 5 upai;
balalardyń bolýy - 10 upai (balalar sanyna qaramastan);
halyqtyń áleýmettik osal toptary (HÁOT) mártebesiniń bolýy - 10 upai;
35 jasqa deiingi jas (qosa alǵanda) – 5 upai;
Eger eki qatysýshynyń upailar sany sáikes kelse, onda tizimge engizý kezinde basymdyq salym somasy kóp jáne jinaqtaý merzimi uzaǵyraq adamǵa beriledi.
Saralaýdan keiin klientter Bank saitynda "Naýryz" baǵdarlamasyna ótken úmitkerler tizimin kóre alady. Sondai-aq olardyń nesie alýǵa taǵy eki ai ýaqyty bolady.
Otbasy bank osy ýaqyt aralyǵynda, bar bolǵan jaǵdaida, tutynýshylyq nesielerdi óteýge keńes beredi, esesine sodan keiin qaryzdy maquldaý múmkindigi kóbirek bolady. Shynynda da, tólem qabilettiligin esepteý kezinde sońǵy 6 aidaǵy resmi tabys qana emes, sonymen qatar otbasyna jumsalatyn mindetti shyǵyndar, sondai-aq nesieler boiynsha tólemder de eskeriledi.
Zaem boiynsha oń maquldaý alǵan úmitkerdiń baspana izdeýge 6 ai ýaqyty bolady.
"Naýryz" baǵdarlamasynyń sharttary:
alǵashqy jarna - 20%-danbastap;
turǵyn úi kezeginde turǵan azamattardyń áleýmettik osal sanattary úshin kredit boiynsha mólsherleme - 7%(JTSM 7,3%-dan 8,9% deiin);
azamattardyń barlyq sanattary úshin kredit boiynsha mólsherleme - 9%(JTSM 9,3%-dan 11,8% deiin);
nesie merzimi - 19 jylǵa deiin.
"Naýryz" baǵdarlamasy aiasynda turǵyn úi satyp alý boiynsha kelesi sharttar usynylady:
- alǵashqy naryqtaǵy turǵyn úi, onyń ishinde QTK kepildigimen úlestik qatysý sharty jáne saqtandyrý quraly boiynsha;
- monoqalalar men aýyldyq eldimekenderde ekinshi naryqtaǵy turǵyn úi, jylyna bólingen qarajattyń jalpy kóleminiń 30%-nan aspaityn kólemde.
Zaemnyń eń joǵarǵy mólsheri:
Almaty men Astana qalalary úshin - 36 mln teńgege deiin.
qalǵan óńirler úshin – 30 mln teńgege deiin.
Sondai-aq, bir nesie aiasynda satyp alynyp jatqan bastapqy baspanany jóndeý jumystaryna da aqsha alýǵa da bolady. Bastysy jóndeýge arnalǵan qaryz somasy turǵyn úi satyp alýǵa arnalǵan kredittiń jalpy somasynyń 20%-nan aspaýǵa tiis, biraq qaryzdyń eń joǵary somasy sheginde.
Baǵdarlamaǵa qatysýshy páterdi Baspana market portalynan tańdap, brondap, satyp ala alady (otbasybank.kz). Bul qyzmet jańa turǵyn úi baǵdarlamasynyń bastalýy aiasynda turǵyn úi baǵasynyń jasandy ósýine jol bermeýge arnalǵan.
