Foto: freepik.com
Tsifrlyq damý, innovatsiialar jáne aeroǵarysh ónerkásibi ministrligi uialy bailanys telefondaryna arnalǵan jańa erejeni bekitti. 2025 jyldyń 24 naýryzynan bastap smartfondardyń «qara tizimi» paida bolady, dep habarlaidy Ult.kz Orda.kz-ke silteme jasap.
Ministrlik osylaisha gadjetterdiń zańsyz ainalymymen kúresedi. 24 naýryzdan bastap identifikatsiialyq kodtar bazasynyń operatory qurylǵylardyń uialy bailanys jelilerinde zańdy túrde qoldanylýyn tekseredi. Eger qurylǵy resmi dúkennen satyp alynsa, barlyq salyqtar men kedendik tólemder tólengen bolsa, ol «aq tizimge» enedi. Al qurylǵynyń shyǵý tegi kúmán týdyrsa (mysaly, IMEI-kod qaitalansa), ony «sur tizimge» engizedi. Paidalanýshy 30 kún ishinde «aq tizimge» qosylý úshin zańdy satyp alǵanyn rastaityn qujattardy usynýy kerek. Eger telefon qoldan jasalǵan nemese urlanǵan bolsa, ol «qara tizimge» engiziledi jáne bailanys jelilerine qosyla almaidy.
Bul ózgerister 2022 jylǵy Qańtar oqiǵasynan keiin qolǵa alynǵan. Sol kezde dúkender men uialy operatorlardyń keńselerinen júzdegen telefon urlanǵan. Bul qurylǵylar qaitalama naryqqa tarap, áli kúnge deiin arnaiy saittarda satylyp jatqan kórinedi. Sondyqtan qoldanystaǵy uialy telefondar túgel tekseristen ótedi.
