"Resei áskeri artqa shegingen joq, qaita toptasýǵa tyrysyp jatyr" dep málimdedi NATO basshysy Iens Stoltenberg Briýsselde jýrnalistermen tildeskende. Onyń sózinen nemistiń Spiegel jýrnaly úzindi keltiredi, dep habarlaidy Azattyq.
NATO-nyń barlaý derekterine súiengen Stoltenberg "Resei áskeri Ýkrainadan shyǵyp jatqan joq, oryndaryn aýystyryp jatyr" dep málimdedi. Máskeý olardy qaita toptastyryp, Donbastaǵy shabýylǵa deiin qarý-jaraqtarmen qamtamasyz etip, nyǵaipaqshy.
Seisenbi kúni Resei Kiev mańy men Ýkraina soltústigindegi Chernigovta áskeri qimylyn báseńdetetinin málimdegen. Alaida bir mezette áýe soqqylaryn kúsheitip, eldiń ońtústigindegi Mariýpolǵa qysymyn údetti.
Ýkraina qorǵanys ministrligi beisenbi kúngi málimdemesinde "qazir Resei kúshteri Donetsk pen Lýgansk oblysyna tolyq baqylaý ornatýǵa kúsh salyp jatyr" dep málimdedi.
La Repubblica gazetiniń habarlaýynsha, beisenbi kúni Italiia premer-ministri Mario Dragi Vladimir Pýtinmen telefon arqyly sóilesken, Resei basshysy "soǵysty toqtatatyn ýaqyt kelgen joq " dep aitqan.
