"رەسەي ەسكەرٸ ارتقا شەگٸنگەن جوق, قايتا توپتاسۋعا تىرىسىپ جاتىر" دەپ مەلٸمدەدٸ ناتو باسشىسى يەنس ستولتەنبەرگ بريۋسسەلدە جۋرناليستەرمەن تٸلدەسكەندە. ونىڭ سٶزٸنەن نەمٸستٸڭ Spiegel جۋرنالى ٷزٸندٸ كەلتٸرەدٸ, دەپ حابارلايدى ازاتتىق.
ناتو-نىڭ بارلاۋ دەرەكتەرٸنە سٷيەنگەن ستولتەنبەرگ "رەسەي ەسكەرٸ ۋكراينادان شىعىپ جاتقان جوق, ورىندارىن اۋىستىرىپ جاتىر" دەپ مەلٸمدەدٸ. مەسكەۋ ولاردى قايتا توپتاستىرىپ, دونباستاعى شابۋىلعا دەيٸن قارۋ-جاراقتارمەن قامتاماسىز ەتٸپ, نىعايپاقشى.
سەيسەنبٸ كٷنٸ رەسەي كيەۆ ماڭى مەن ۋكراينا سولتٷستٸگٸندەگٸ چەرنيگوۆتا ەسكەري قيمىلىن بەسەڭدەتەتٸنٸن مەلٸمدەگەن. الايدا بٸر مەزەتتە ەۋە سوققىلارىن كٷشەيتٸپ, ەلدٸڭ وڭتٷستٸگٸندەگٸ ماريۋپولعا قىسىمىن ٷدەتتٸ.
ۋكراينا قورعانىس مينيسترلٸگٸ بەيسەنبٸ كٷنگٸ مەلٸمدەمەسٸندە "قازٸر رەسەي كٷشتەرٸ دونەتسك پەن لۋگانسك وبلىسىنا تولىق باقىلاۋ ورناتۋعا كٷش سالىپ جاتىر" دەپ مەلٸمدەدٸ.
La Repubblica گازەتٸنٸڭ حابارلاۋىنشا, بەيسەنبٸ كٷنٸ يتالييا پرەمەر-مينيسترٸ ماريو دراگي ۆلاديمير پۋتينمەن تەلەفون ارقىلى سٶيلەسكەن, رەسەي باسشىسى "سوعىستى توقتاتاتىن ۋاقىت كەلگەن جوق " دەپ ايتقان.
