NATO-nyń saiasi sheshimder qabyldaityn negizgi organy - Soltústikatlantikalyq keńes Ryanair ushaǵyn 23 mamyrda Minskige májbúrlep qondyrýdy ótkir aiyptady. Áskeri blok jýrnalist Roman Protasevichtiń ustalýyn "saiasi ózgeshe oilaý printsipi men erkin baspasózge qol suǵýshylyq" dep atady.
NATO músheleri Belarýsti Roman Protasevich pen qyzy Sofiia Sapegany dereý bosatýdy talap etti.
"Mundai áreket azamattyq aviatsiia qyzmetin retteitin normalardy buzyp, jolaýshylar men ekipajdyń ómirine qaýir tóndirdi" delingen NATO baspasóz qyzmetiniń 26 mamyr kúngi málimdemesinde.
Soltústikatlantikalyq odaq oqiǵany dereý táýelsiz zertteýdi qoldady, sonymen birge odaqtastardyń osy oqiǵaǵa jeke ári ujym bolyp reaktsiia tanytyp, sharalar qoldanýyn jyly qarsy aldy.
Sondai-aq, NATO málimdemesinde diplomattary Belarýsten "negizsiz" shyǵarylǵan Latviiany qoldaitynyn jetkizgen.
