ناتو-نىڭ ساياسي شەشٸمدەر قابىلدايتىن نەگٸزگٸ ورگانى - سولتٷستٸكاتلانتيكالىق كەڭەس Ryanair ۇشاعىن 23 مامىردا مينسكٸگە مەجبٷرلەپ قوندىرۋدى ٶتكٸر ايىپتادى. ەسكەري بلوك جۋرناليست رومان پروتاسەۆيچتٸڭ ۇستالۋىن "ساياسي ٶزگەشە ويلاۋ پرينتسيپٸ مەن ەركٸن باسپاسٶزگە قول سۇعۋشىلىق" دەپ اتادى.
ناتو مٷشەلەرٸ بەلارۋستٸ رومان پروتاسەۆيچ پەن قىزى سوفييا ساپەگانى دەرەۋ بوساتۋدى تالاپ ەتتٸ.
"مۇنداي ەرەكەت ازاماتتىق اۆياتسييا قىزمەتٸن رەتتەيتٸن نورمالاردى بۇزىپ, جولاۋشىلار مەن ەكيپاجدىڭ ٶمٸرٸنە قاۋٸر تٶندٸردٸ" دەلٸنگەن ناتو باسپاسٶز قىزمەتٸنٸڭ 26 مامىر كٷنگٸ مەلٸمدەمەسٸندە.
سولتٷستٸكاتلانتيكالىق وداق وقيعانى دەرەۋ تەۋەلسٸز زەرتتەۋدٸ قولدادى, سونىمەن بٸرگە وداقتاستاردىڭ وسى وقيعاعا جەكە ەرٸ ۇجىم بولىپ رەاكتسييا تانىتىپ, شارالار قولدانۋىن جىلى قارسى الدى.
سونداي-اق, ناتو مەلٸمدەمەسٸندە ديپلوماتتارى بەلارۋستەن "نەگٸزسٸز" شىعارىلعان لاتۆييانى قولدايتىنىن جەتكٸزگەن.
