NATO bas hatshysy Iens Stoltenberg Reseidiń Ýkrainaǵa qatysty áreketin aiyptady.
"Reseidiń Ýkrainaǵa qiianatshyl shabýylyn túbegeili aiyptaimyn. Shabýyl óte kóp adamnyń ómirin qaýipke tigedi" dep jazylǵan Stoltenberg málimdemesinde.
"Bul - halyqaralyq quqyqty óreskel buzý, Eýroatlantikalyq qaýipsizdikke tóngen qater. Reseidi tez arada áskeri qimylyn doǵaryp, Ýkrainanyń egemendigi men territoriialyq tutastyǵyn saqtaýǵa shaqyramyn" dedi Stoltenberg.
Onyń aitýynsha, NATO odaqtastary jaqyn arada jaǵdaidy talqylaidy.
Birneshe saǵat buryn Resei basshysy Vladimir Pýtin reseilik memlekettik telearnalardan málimdeme jasap, Donbasta "arnaiy operatsiia" bastaitynyn habarlaǵan. Budan soń Ýkrainanyń birqatar qalalary men oblystarynda jarylys bolǵany, oq atylǵany jaily aqparat údegen. Kýágerlerdiń aitýynsha, Donbastyń ózinde reseishil separatister tarabynan atqylaý kúsheigen, Ýkrainanyń barlyq-derlik aýmaǵynda áskeri nysandar shabýylǵa ushyraǵan.
