ناتو باس حاتشىسى يەنس ستولتەنبەرگ رەسەيدٸڭ ۋكرايناعا قاتىستى ەرەكەتٸن ايىپتادى.
"رەسەيدٸڭ ۋكرايناعا قيياناتشىل شابۋىلىن تٷبەگەيلٸ ايىپتايمىن. شابۋىل ٶتە كٶپ ادامنىڭ ٶمٸرٸن قاۋٸپكە تٸگەدٸ" دەپ جازىلعان ستولتەنبەرگ مەلٸمدەمەسٸندە.
"بۇل - حالىقارالىق قۇقىقتى ٶرەسكەل بۇزۋ, ەۋرواتلانتيكالىق قاۋٸپسٸزدٸككە تٶنگەن قاتەر. رەسەيدٸ تەز ارادا ەسكەري قيمىلىن دوعارىپ, ۋكراينانىڭ ەگەمەندٸگٸ مەن تەرريتورييالىق تۇتاستىعىن ساقتاۋعا شاقىرامىن" دەدٸ ستولتەنبەرگ.
ونىڭ ايتۋىنشا, ناتو وداقتاستارى جاقىن ارادا جاعدايدى تالقىلايدى.
بٸرنەشە ساعات بۇرىن رەسەي باسشىسى ۆلاديمير پۋتين رەسەيلٸك مەملەكەتتٸك تەلەارنالاردان مەلٸمدەمە جاساپ, دونباستا "ارنايى وپەراتسييا" باستايتىنىن حابارلاعان. بۇدان سوڭ ۋكراينانىڭ بٸرقاتار قالالارى مەن وبلىستارىندا جارىلىس بولعانى, وق اتىلعانى جايلى اقپارات ٷدەگەن. كۋەگەرلەردٸڭ ايتۋىنشا, دونباستىڭ ٶزٸندە رەسەيشٸل سەپاراتيستەر تارابىنان اتقىلاۋ كٷشەيگەن, ۋكراينانىڭ بارلىق-دەرلٸك اۋماعىندا ەسكەري نىساندار شابۋىلعا ۇشىراعان.
