Alǵys aitý kúni qazaqstandyqtar úshin maǵynasy tereń jáne rýhani qýanyshqa toly biregei mereke bolyp sanalady.
Bul týraly «Aqmola oblysynyń poliaktar birlestigi» qoǵamdyq birlestiginiń tóraiymy Natalia Nagachevskaia aitty, dep habarlaidy QazAqparat.
«Bul mereke elimizde turatyn etnostardyń birligin, yntymaǵyn jáne dostyǵyn kórsetedi. Meniń atam men ájem, myńdaǵan poliaktar siiaqty Stalindik rejimniń qurbanyna ainalyp, 1936 jyly Qazaqstanǵa kúshtep jer aýdarylǵan alǵashqylardyń biri. Qazaqtar sol ýaqytta asharshylyqty basynan ótkerip jatqanyna qaramastan, olarǵa janashyrlyq tanytyp, bir úzim nanymen bólisti. Olar Eýropadan jer aýdarylǵandardy Aziianyń qatań, ien dalasynda ómir súrýge úiretti. Bir-biriniń tilin bilmeý qarym-qatynasta mańyzdy kedergi bolǵan joq, adamdar úshin basty nárse-kúndelikti máselelerdi sheshýde ózara túsinistik pen yntymaqtastyq, janashyrlyq sezimi jáne qiyn ýaqytta kómekke kelý múmkindigi boldy.
Poliaktar aman qaldy, ózderin saqtap qaldy jáne bizge kelisim retinde, janǵa bai adamdarǵa, qýǵyn-súrgin kezinde kómek pen qoldaý kórsetkeni úshin alǵys aitty. Qazaqtarmen birge kórshi turdyq, balalarymyzdy, nemerelerimizdi ósirdik, aýyr eńbek ettik, qarttarmyzdy qurmettep, jastarmyzdy qoldap, birge renjip, birge qýandyq. Biz bir - birimizden kóp nárseni úirendik», - deidi Natalia Nagachevskaia.
Búgin biz erkin elde turamyz, búkil álem biz úshin ashyq. Biz qazaqtarmen, káristermen, nemistermen, ingýshtarmen jáne basqa da etnostarmen qatar ómir súrip, balalarymyzdyń bolashaǵy - bizdiń táýelsiz Qazaqstanymyzdy birge quramyz.
«Men qazaqqa kelinmin. Búgingi tańda kúieýim ekeýimiz eki halyqtyń eń jaqsy qasietterin boiyna darytqan eki uldy tárbielep otyrmyz.
Qazaqtyń salt-dástúrleri men ádet-ǵuryptary meniń ómirimniń ajyramas bóligine ainaldy. Men óz otbasyma qaitalanbas poliak dámin usyndym. Meniń kúieýimniń úlken tatý otbasy kópultty Qazaqstan halqyn beineleidi, óitkeni onda ýkraindar, poliaktar jáne nemister de bar.
Keremet mereke - Alǵys aitý kúni qarsańynda men ata-anama, kúieýime baqytty otbasy men ádemi balalary úshin alǵys aitqym keledi.
Men oblys turǵyndaryna qaitalanbas jyly atmosfera úshin, Elbasymyz jáne Prezidentimizge Qazaqstandaǵy beibitshilik pen kelisim úshin alǵysymdy bildiremin», - dep túiindedi Natalia Nagachevskaia.
.jpeg)