AQSh-tyń "Starlainer" (Starliner) ǵarysh kemesi Jerge oraldy. Keme kapsýlasynyń Niý-Meksiko (AQSh) shtaty aýmaǵyna qonǵan sátin AQSh ǵarysh agenttigi (NASA) tikelei efirde kórsetti. 20 jeltoqsanda ǵaryshqa adamsyz ushyrylǵan keme halyqaralyq ǵarysh stantsiiasymen túiisip, bir apta bolady dep josparlanǵan edi. Biraq zymyran-tasyǵyshtan bólingennen keiin keme qozǵaltqyshy istemei qalǵandyqtan ony Jerge qaitarý týraly sheshim qabyldanǵan.
"Starlainer" halyqaralyq ǵarysh stantsiiasyna 270 keli júk jetkizýi tiis bolatyn. NASA men Boeing bolashaqta osy kemeni taǵy da ǵaryshqa ushyrý jospary baryn habarlady, biraq naqty qashan ushatyny ázirge belgisiz. Keme ǵaryshqa jeti adam alyp usha alady dep habarlanǵan.
Amerikalyq kásipker Ilon Masktyń SpaceX kompaniiasymen básekeles Boeing kompaniiasy "Starlainer" kemesin jasap shyǵarǵan. Jeke menshik bul eki kompaniia halyqaralyq ǵarysh stantsiiasyna ekipaj jetkize alatyn basqarylatyn keme ázirleýmen qatar ainalysyp otyr. Osy ýaqytqa deiin halyqaralyq ǵarysh stantsiiasyna ekipajdardy ótken ǵasyrdyń 60-jyldarynan beri qoldanysta júrgen reseilik "Soiýz" kemesi jetkizip keledi.
