اقش-تىڭ "ستارلاينەر" (Starliner) عارىش كەمەسٸ جەرگە ورالدى. كەمە كاپسۋلاسىنىڭ نيۋ-مەكسيكو (اقش) شتاتى اۋماعىنا قونعان سەتٸن اقش عارىش اگەنتتٸگٸ (NASA) تٸكەلەي ەفيردە كٶرسەتتٸ. 20 جەلتوقساندا عارىشقا ادامسىز ۇشىرىلعان كەمە حالىقارالىق عارىش ستانتسيياسىمەن تٷيٸسٸپ, بٸر اپتا بولادى دەپ جوسپارلانعان ەدٸ. بٸراق زىمىران-تاسىعىشتان بٶلٸنگەننەن كەيٸن كەمە قوزعالتقىشى ٸستەمەي قالعاندىقتان ونى جەرگە قايتارۋ تۋرالى شەشٸم قابىلدانعان.
"ستارلاينەر" حالىقارالىق عارىش ستانتسيياسىنا 270 كەلٸ جٷك جەتكٸزۋٸ تيٸس بولاتىن. NASA مەن Boeing بولاشاقتا وسى كەمەنٸ تاعى دا عارىشقا ۇشىرۋ جوسپارى بارىن حابارلادى, بٸراق ناقتى قاشان ۇشاتىنى ەزٸرگە بەلگٸسٸز. كەمە عارىشقا جەتٸ ادام الىپ ۇشا الادى دەپ حابارلانعان.
امەريكالىق كەسٸپكەر يلون ماسكتىڭ SpaceX كومپانيياسىمەن بەسەكەلەس Boeing كومپانيياسى "ستارلاينەر" كەمەسٸن جاساپ شىعارعان. جەكە مەنشٸك بۇل ەكٸ كومپانييا حالىقارالىق عارىش ستانتسيياسىنا ەكيپاج جەتكٸزە الاتىن باسقارىلاتىن كەمە ەزٸرلەۋمەن قاتار اينالىسىپ وتىر. وسى ۋاقىتقا دەيٸن حالىقارالىق عارىش ستانتسيياسىنا ەكيپاجداردى ٶتكەن عاسىردىڭ 60-جىلدارىنان بەرٸ قولدانىستا جٷرگەن رەسەيلٸك "سويۋز" كەمەسٸ جەتكٸزٸپ كەلەدٸ.
