NASA seisenbi kúni Aidy orbitaǵa shyǵarý jolynda quny 32,7 million dollar ǵarysh cerigimen bailanysyn úzgenin málimdedi, dep habarlaidy QazAqparat ABC News arnasyna silteme jasap.
Eki sátti bailanystan keiin ǵarysh agenttigi Capstone dep atalatyn ǵarysh kemesimen budan bylai bailanysqa shyǵa almaitynyn aitty. Injenerler bailanys aqaýynyń sebebin tabýǵa tyrysyp jatyr.
NASA ókili Sara Freizer 28 maýsymda Jańa Zelandiiadan ushyrylǵan ǵarysh kemesi Jerdiń tómen orbitasynda bir aptaǵa jýyq ýaqyt bolyp, Aiǵa sátti baǵyttalǵanyn aitty.
Salmaǵy 55 keli bolatyn, kólemi mikrotolqyndy peshke uqsas spýtnik NASA-nyń Gateway avanpostyn ornalastyrmaq bolǵan Ai orbitasyndaǵy alǵashqy ǵarysh apparaty bolýy tiis edi.
Gateway baǵdarlamasy Aidyń ainalasyndaǵy orbitada adam basqaratyn shaǵyn ǵarysh stantsiiasyn salýdy qarastyrady. Aldaǵy jyldary ol Ai men Marsty zertteýge qoldaý kórsetýge mol múmkindik beredi. Shliýz astronavttardyń Ai betine túser aldyndaǵy aralyq jol núktesi retinde qyzmet etýi tiis edi.
NASA 2025 jylǵa qarai úzilgen Apollon ai baǵdarlamalarynan keiin astronavttardy jer serigine qondyrýǵa nietti.
