Ulttyq aeronavtika jáne ǵarysh basqarmasy (NASA) Marstaǵy Jezero kraterindegi aýa raiy jaily alǵashqy esebin jariialady, - dep habarlaidy Tengrinews.kz NASA saityna silteme jasap.
Marsta júretin Rerseverance quraly kraterdi zerttep, Mars Environmental Dynamics Analyzer (MEDA) júiesin qoldana otyryp, Qyzyl planetadaǵy aýa temperatýrasy men jel, radiatsiia týraly boljam jasady.
MEDA radiatsiia jáne shań sensory Jezero aimaǵynda Geil kraterine qaraǵanda atmosfera tazaraq ekenin kórsetti. Aita keteiik, Geilde basqa, Curiosity roveri jumys isteidi. Ǵalymdar qysymdy da ólshei alǵan - ol 718 paskaldy kórsetken.
Injenerler ólsheý qurylǵysy roverdiń qolyna ornatylǵanyn atap ótti. Onyń sensory roliktiń belsendiligine qaramastan jumys isteidi jáne Marsta júretin qurylǵy demalǵan ýaqytta da MEDA aqparatty júielei beredi.
Sarapshylardyń pikirinshe, bul ólshemder Mars týraly jańa aqparat bilip, Perseverance-ti basqarýǵa kómektesip qana qoimai, sonymen qatar, planetaǵa adamdardyń kelýi úshin de óte mańyzdy.
Eske salaiyq, 18 aqpanda Perseverance roveri Ingenuity tikushaǵymen Qyzyl planetanyń betine sátti qondy. NASA planetadan alǵashqy videolar men jańa sýretterdi jariialady.
