Mádeniet jáne sport ministri Aqtoty Raiymqulova rejisser Gúlnár Sársenovanyń «Nartai» filmine qandai qatysy bar ekenin aitty, dep habarlaidy "Ult aqparat".
Ortalyq kommýnikatsiialar qyzmetinde ótip jatqan brifingide BAQ ókilderi Mádeniet jáne sport ministrinen «Nartai» filminiń saýndtregin jazǵany úshin qansha qalamaqy alǵanyn surady.
Aqtoty Raiymqulova áýeli óziniń ministr laýazymymen birge ǵylymi jáne shyǵarmashylyq istermen ainalysýǵa quqyly ekenin eske saldy.
«Memlekettik qyzmet týraly zańnyń baptary boiynsha memlekettik qyzmetshiler pedagogikalyq, ǵylymi jáne shyǵarmashylyq jumystarmen ainalysýǵa quqyly. Mysaly, sizder jýrnalist bolyp júrip, ministrlikke taǵaiyndalsańyzdar nemese melekettik qyzmetke kelseńizder, óz mamandyǵyńyz boiynsha jýrnalistik jumysyńyzdy toqtatpaityn shyǵarsyzdar. Sol siiaqty men mýzyka salasynyń mamanymyn», - degen ministr «Nartai» filmin túsirýshilerden eshqandai qalamaqy almaǵanyn málimdedi.
«Kompozitor retinde kóp shyǵarma jazdym. Biraq «Nartai» filminiń saýndtregin jazýǵa usynys kezinde túsken bolatyn. Men odan bas tarttym jáne qabyldamadym. Sondyqtan eshqandai qalamaqy alǵan joqpyn, mýzykasyn da jazǵan joqpyn. Bul – jalǵan aqparat», - dedi Aqtoty Raiymqulova.
