Foto: Daria Averchenko/Kazinform
Almaty oblysynyń Qiyn ómir jaǵdaiyndaǵy balalardy qoldaý ortalyǵynda áleýmettik mańyzy bar taýarlardy (ÁMAT) joǵary baǵamen satyp alý faktileri anyqtaldy, dep habarlaidy QR Qarjylyq monitoring agenttiginiń baspasóz qyzmeti.
Baspasóz qyzmetiniń málimetterine qaraǵanda, qazirgi tańda ortalyqta 120-dan astam kámeletke tolmaǵan bala tárbielenýde.
Agenttik anyqtaǵandai jetkizýshi nandy 140 teńgeden satyp alyp, ony balalar úiine 354 teńgeden (153% ústemaqymen) jetkizgen.
Sondai–aq, ol qaraqumyq jarmasyn – 145% (281 tg/kg alyp, 687 tg/kg satqan), kúnbaǵys maiyn - 63% (600 tg/l alyp, 977 tg/l satqan), qantty – 38% (350 tg/kg alyp, 480 tg/kg satqan) ústemeaqymen jetkizgen.
Qoldanystaǵy zańnamaǵa sáikes ÁMAT-qa shekti saýda ústemesiniń mólsheri 15%-dan aspaýy tiis.
Qabyldanǵan sharalardyń nátijesinde jetkizýshi ákimshilik jaýapkershilikke tartyldy, al Ortalyqpen jasalǵan ÁMAT-ty jetkizý sharty 1,3 mln teńgege tómendetý jolymen qaita qaraldy.
Sondai-aq, Agenttik qabyldaǵan sharalar nátijesinde óńirdiń birqatar balabaqshasy jetkizýshilermen satyp alý baǵasyn 3,9 mln teńgege tómendete otyryp, qosymsha kelisimder jasasty.
