فوتو: داريا اۆەرچەنكو/Kazinform
الماتى وبلىسىنىڭ قيىن ٶمٸر جاعدايىنداعى بالالاردى قولداۋ ورتالىعىندا ەلەۋمەتتٸك ماڭىزى بار تاۋارلاردى (ەمات) جوعارى باعامەن ساتىپ الۋ فاكتٸلەرٸ انىقتالدى, دەپ حابارلايدى قر قارجىلىق مونيتورينگ اگەنتتٸگٸنٸڭ باسپاسٶز قىزمەتٸ.
باسپاسٶز قىزمەتٸنٸڭ مەلٸمەتتەرٸنە قاراعاندا, قازٸرگٸ تاڭدا ورتالىقتا 120-دان استام كەمەلەتكە تولماعان بالا تەربيەلەنۋدە.
اگەنتتٸك انىقتاعانداي جەتكٸزۋشٸ ناندى 140 تەڭگەدەن ساتىپ الىپ, ونى بالالار ٷيٸنە 354 تەڭگەدەن (153% ٷستەماقىمەن) جەتكٸزگەن.
سونداي–اق, ول قاراقۇمىق جارماسىن – 145% (281 تگ/كگ الىپ, 687 تگ/كگ ساتقان), كٷنباعىس مايىن - 63% (600 تگ/ل الىپ, 977 تگ/ل ساتقان), قانتتى – 38% (350 تگ/كگ الىپ, 480 تگ/كگ ساتقان) ٷستەمەاقىمەن جەتكٸزگەن.
قولدانىستاعى زاڭناماعا سەيكەس ەمات-قا شەكتٸ ساۋدا ٷستەمەسٸنٸڭ مٶلشەرٸ 15%-دان اسپاۋى تيٸس.
قابىلدانعان شارالاردىڭ نەتيجەسٸندە جەتكٸزۋشٸ ەكٸمشٸلٸك جاۋاپكەرشٸلٸككە تارتىلدى, ال ورتالىقپەن جاسالعان ەمات-تى جەتكٸزۋ شارتى 1,3 ملن تەڭگەگە تٶمەندەتۋ جولىمەن قايتا قارالدى.
سونداي-اق, اگەنتتٸك قابىلداعان شارالار نەتيجەسٸندە ٶڭٸردٸڭ بٸرقاتار بالاباقشاسى جەتكٸزۋشٸلەرمەن ساتىپ الۋ باعاسىن 3,9 ملن تەڭگەگە تٶمەندەتە وتىرىپ, قوسىمشا كەلٸسٸمدەر جاساستى.
