Foto: Videodan skrinshot
Almatyda meshitterde urlyq jasaǵan kúdikti ustaldy, – dep habarlaidy Polisia.kz-ke silteme jasap Ult.kz.
Alataý aýdandyq politsiia basqarmasynyń qyzmetkerleri qala aýmaǵyndaǵy meshitterde jasalǵan birqatar urlyq derekterin áshkereledi. Kúdikti ustalyp, onyń jamaǵattan uialy telefondar, ámiiandar jáne ózge de jeke zattardy jasyryn túrde urlaǵany anyqtaldy.
Tergeý derekterine sáikes, kúdikti namaz ýaqytyn paidalanyp, adamdardyń beiqamdyǵyn ańdyp, qylmysyn jasyryn júzege asyrǵan.
"Azamattardyń qaýipsizdigin, ásirese adam kóp jinalatyn oryndarda qamtamasyz etý — biz úshin asa mańyzdy. Mundai qylmystar tek materialdyq shyǵyn keltirip qana qoimai, qoǵamnyń rýhani-adamgershilik qundylyqtaryna da nuqsan keltiredi. Politsiia qyzmetkerleriniń jedel ári kásibi jumysynyń nátijesinde urlyqtarǵa qatysy bar kúdikti ustalyp, árbir derek boiynsha sotqa deiingi tergep-tekserý júrgizilip jatyr", — dedi Alataý aýdandyq politsiia basqarmasynyń bastyǵy Edilhan Baiǵaraev.
Qazirgi tańda kúdiktiniń qylmystyq áreketiniń birneshe epizody dáleldendi. Onyń osyǵan uqsas basqa da urlyqtarǵa qatysy bar-joǵy tekserilýde.
"Azamattardy jeke zattaryna muqiiat bolýǵa jáne kúmándi tulǵalardy baiqaǵan jaǵdaida politsiiaǵa dereý habarlaýǵa shaqyramyz. Túsken barlyq aqparat mindetti túrde muqiiat tekseriledi", — dep tolyqtyrdy E. Baiǵaraev.
Sotqa deiingi tergeý jumystary jalǵasyp jatyr.
