Memleket basshysy Qazaqstandaǵy saiasi júieniń jańǵyrýy týraly aitty, - dep habarlaidy Tengrinews.kz tilshisi.
"Bizdi kóptegen qiyndyq pen syn-qater kútedi, biraq biz josparlanǵan baǵyttan bas tartpaimyz. Biz ádil jáne tiimdi memleket quryp, barlyǵyna teń múmkindikti qamtamasyz etýimiz kerek. Osy aýqymdy maqsattarǵa jetý úshin saiasi júieni jańǵyrtý kerek dep aitýǵa bolady.
Ózderińiz bilesiz, men prezidenttik ókiletti bir jeti jyldyq merzimge shekteitin reformany bastadym. Bilikke ie saiasatkerler eldiń múddesi úshin mańyzdy máselelerdi sheshýde erik-jiger kórsetýge mindetti dep sanaimyn. Jaýapty saiasatker árqashan utymdy, ikemdi jáne berik. Naǵyz patriot ulǵaiyp bara jatqan qaýip-qater jaǵdaiynda ult birligi týraly oilaidy", - dedi Toqaev Astanadaǵy forýmda.
Prezident memleket pen halyqtyń uzaq merzimdi múddesin senimdi túrde qamtamasyz etýge degen shynaiy niet jeteleitinin aitty.
"Men úshin Otanǵa qyzmet etýden artyq qurmetti jáne jaýapty missiia joq. Biliktiń aýysý kepildigi bilikti monopoliialaýdyń kez kelgen áreketi úshin kúshti tosqaýyl bolady", - dep túiindedi Toqaev.
