Mádeniet jáne sport ministri Arystanbek Muhamediuly elimizde "Oskarǵa" uqsas syilyqty engizý qajettiligine qatysty pikirin bildirdi, - dep habarlaidy "Ult aqparat" Tengrinews.kz agenttigine silteme jasap.
"Bizde eńbegi sińgen qairatker ataǵy ártisterge jáne dárigerlerge, agronomdarǵa beriledi - olardyń barlyǵy Qazaqstannyń eńbek sińirgen qairatkerleri. "Qazaqstannyń Halyq ártisi" men "Qazaqstannyń eńbek sińirgen ártisi" ataqtaryn qaitarý qajettigi týraly da aitylǵan edi. Sizderdiń aityp otyrǵandaryńyz durys, qazirgi ýaqytta bizde tek úsh KSRO Halyq ártisi bar - Bibigúl Tólegenova, Asanáli Áshimov pen Álibek Dinishev. Anatolii Molodov ta osy ataqty alǵan edi, biraq, ókinishke qarai, ol osydan bir apta buryn dúnieden ozdy. Bizde osy túrimizben sahnada eńbek sińirgen qairatker men jas oryndaýshyny da eńbek sińirgen qairatker dep sanaityn bolamyz", - dedi Muhamediuly depýtattyń saýalyna jaýap bere otyryp.
Sondai-aq, ministr AQSh-taǵy syilyqaqylarǵa qatysty oiyn aitty.
"Bizge barlyǵy AQSh-ta "Qazaqstannyń Halyq ártisi" men "Qazaqstannyń eńbek sińirgen ártisi" siiaqty ataqtardyń joq ekenin mysal retinde aityp jatady. Biraq onda "Gremmi", "Oskar" siiaqty kategoriialar bar ǵoi. Al bizde ondai syilyq joq. "Oskar" júldesin engize almaityn shyǵarmyz. Bizde basqa kategoriia", - dedi ministr.
