Búgin Parlament Májilisiniń Halyqaralyq ister, Qorǵanys jáne Qaýipsizdik komitetiniń uiymdastyrýymen «Qazirgi kezeńdegi ekstermizm men terrorizmniń aldyn alýdyń jáne olardyń jolyn kesýdiń zańnamalyq jáne institýtsionaldyq sharalary» taqyrybynda dóńgelek ústel otyrysy ótti. Bul týraly QR Parlamenti Májilisi Apparatynyń Baspasóz qyzmeti habarlady.
Sharaǵa qatysýshylarǵa alǵy sóz arnaǵan Palata Spikeri Nurlan Nyǵmatýlin elimizdiń qaýipsizdigi men halqymyzdyń beibit ómiri baǵa jetpes bailyq ekenin, ony saqtap, qorǵap, odan ári damytýǵa úles qosý árbir azamattyń abyroily mindeti ekenin aita kelip, osy salada táýelsizdik alǵan kúnnen bastap Elbasymyz Nursultan Ábishuly Nazarbaevtyń basshylyǵymen aýqymdy jumystardyń qolǵa alynyp kele jatqanyna airyqsha nazar aýdardy.
Alaida, bul qaterdiń kún ótken saiyn beleń alýy qazirgi kún tártibindegi ózekti suraqtardyń birine ainalǵanyn alǵa tarta kelip, N. Nyǵmatýlin: -terrorizm men ekstremizm jyl saiyn óte qaýipti máselege ainalyp barady. Bul tek Qazaqstan ǵana emes, búkil álemdegi problema. Sondyqtan, terrorizm men ekstremizmge qarsy kúresti kúsheitý boiynsha Elbasymyz Nursultan Ábishuly Nazarbaev naqty tapsyrmalar berip, onyń oryndalý joldaryn da kórsetti. Eń bastysy, bul máselege búkil qoǵam qatysyp, shynaiy qoldaý bildirip otyr», - dedi.
Osynyń nátijesinde, Parlament ashyq pikir júrgizip, sapaly, tiimdi jáne ótkir zań jobasyn ázirleý maqsatynda jumys jasap jatyr. Májilis Tóraǵasy atap ótkendei, bul Palata úshin erekshe mańyzdy!
Aita keteiik, zań jobasyn talqylaýǵa Parlament depýtattarymen qatar, tiisti organ ókilderi, úkimettik emes uiymdar men Májiliske kirmegen barlyq partiianyń músheleri, jýrnalister jáne elimizge belgili saiasatkerler men sarapshylar qatysýda.
Zań aiasynda taǵy da 5 kodeks pen 19 zańǵa ózgerister engizilmek.
