Parlament Senatynyń otyrysynda Respýblikalyq biýdjettiń atqarylýyn baqylaý jónindegi esep komitetiniń tóraǵasy Natalia Godýnova memlekettik-jekeshelik áriptestik (MJÁ) aiasyndaǵy jobalardyń tiimsizdigi jaily aitty, dep habarlaidy QazAqparat.
«Biz budan buryn memlekettik-jekeshelik áriptestik boiynsha júzege asyrylǵan jobalardyń kemshilikterin ataǵan bolatynbyz. MJÁ jobalarynyń artýy tartylǵan investitsiia kólemimen sai kelmeitindei memlekettiń mindetteme aiasyn tym keńeitip jiberdi. 1 teńgelik jeke investitsiia tartý úshin biýdjetten 2 teńgeden alýǵa týra keledi», - dedi Natalia Godýnova.
Onyń aitýynsha, bul baǵytta memlekettiń mindettemesi artqanymen, jeke investordyń mindettemesi múlde qarastyrylmaǵan.
«Aqyry, tańdap alynǵan osy jol jeke seriktesterdi jumys nátijeliligin arttyrýǵa yntalandyrmaidy. Bizdiń esepteýimizshe, respýblikalyq biýdjetke ortasha eseppen 58 mlrd teńgelik negizgi salmaq 2023 jyly túsetin sekildi. Búkil óńirler boiynsha, 2020-2021 jyldary jergilikti biýdjetterge 70 mlrd teńgelik salmaq túsedi. Sol sebepti, MJÁ jobalaryn júzege asyrýdyń áleýmettik-ekonomikalyq esebi ádistemesin qarastyra otyryp, memlekettik biýdjetke túsetin júktemeni azaitý kerek», - dedi ol.
