Búgin elimizdiń Reseimen irgesin halyqaralyq norma boiynsha bekitip alǵanyna 20 jyl toldy. Dál osy kúni Qazaqstan Respýblikasy men Resei Federatsiiasy arasyndaǵy Qazaqstan-Resei memlekettik shekarasy týraly shartqa qol qoiylǵan bolatyn. Shart ózin aqtap keledi jáne Resei, Qytai, Qyrǵyzstan, Ózbekstan, Túrkimenstan, Iran, Ázirbaijanmen shekaralardy BUU halyqaralyq normalaryna sai tastai qylyp alǵanymyz - 2019 jylǵa deiingi biliktiń eń aýyz toltyryp aitar sharýasy boldy. Ekonomist Aibar Oljaev osyndai pikir bildirdi.
Sózbe-sóz:
Ne desek te, geografiiadan attap óte almaimyz. Resei alyp el. Teriskeide irgeles jatyr. Tarydai shashylyp qalmaýymyzǵa jyldar boiy dana diplomatiiamyz sep bolyp keledi. Alyp kórshimen shekispei, qaida irgelestiktiń paida ákeler tusyn izdep, barynsha tyrysyp kelemiz.
Shekaralas áriptestik óte tyǵyz, sebebi qurlyqtaǵy eń uzyn osy shekarany boilai 32 million adam turady. Ekonomikalyq, ónerkásiktik, saýda jáne infraqurylymdyq bailanystar bite bailanǵan. 2024 jyldyń 9 aiynda reseilik investitsiialar aǵyny 2,8 milliard AQSh dollaryn qurady. Reseilik biznestyń otandyq ekonomikadaǵy kúrt artty. Búginde Qazaqstanda 24 myńǵa jýyq reseilik kompaniia jumys isteidi. Onyń 4 myńy ótken jyly ashylǵan.
Qazaqstan budan profit pen dividend ala bastady. Endi arnaýly valiýtalyq rejim iske qosylyp, EAES baj salyqtary úlesin kóbeite alsaq, onda biz alatyn pliýster kóbeieri haq.
Energetikamyzǵa Resei úsh TETs salyp, Ekibastuz GRES-in jańǵyrtyp, elimizdiń birqatar óńirlerin gazdandyrý arqyly qatysýda. Atom energetikasy boiynsha áriptestikte perspektivasy saqtalyp otyr.
Shekara boiynsha kelisimge 20 jyl toldy. Osy kelisim máńgi bolsyn jáne eshqashan buzylmasyn dep tileimiz.
