«Atameken» ulttyq kásipkerler palatasynyń basqarma tóraǵasy Abylai Myrzahmetov aýyl sharýashylyǵy salasyndaǵy kásipkerlerdi qoldaýǵa qatysty pikir bildirdi, dep habarlaidy QazAqparat.
«Birinshiden, Úkimet durys sheshim qabyldady. Osy oraida jem-shóp, mal azyǵyn syrtqa shyǵarýǵa tyiym salyndy. Bul óz kezeginde ishki naryqty qamtamasyz etý úshin mańyzdy. Aldaǵy 1 qyrkúiekten bastap 5-sanatty bidaiǵa, arpaǵa kvota engizý máselesi qaralyp otyr. Buǵan da oń kózqaras bar. Byltyr osy kvotalardy engizý boiynsha tájiribe jinadyq», - dedi Myrzahmetov Úkimet otyrysynda.
Sonymen qatar ol forvardty satyp alý qadamdaryna toqtaldy.
«Bul kásipkerlerge ainalym aqsha alýǵa óte tiimdi tetik bolyp otyr. Ótken jyly 24 mlrd 500 mln teńge bólinse, biyl 40 millirdqa deiin kóbeitildi. Ony aýyl sharýashylyǵy taýaryn óndirýshilerdi jaqsy qoldaý dep baǵalaimyz. Aýyl sharýashylyǵy taýaryn óndirýshilerdiń aldynda bir ǵana mindet bar – ol óziniń eginin jinaǵannan keiin, naqty baǵamen taýaryn Azyq-túlik kelisimshart korporatsiiasyna ótkizýi kerek», - dedi «Atameken» ulttyq kásipkerler palatasynyń basqarma tóraǵasy.
«Qurǵaqshylyq bolǵan óńirlerdegi kásipkerlerdiń nesie boiynsha máselesi bar. Ótken jyly jaqsy tájiribe jinadyq, tólemdi keiinge shegerý qadamdary bar. Egin jinaý naýqany aiaqtalǵannan keiin, bul másele qazan aiynda kóterilýi múmkin. Sondyqtan ony qazirden pysyqtaý ótinishi bar», - dedi Abylai Myrzahmetov.
