«اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى ابىلاي مىرزاحمەتوۆ اۋىل شارۋاشىلىعى سالاسىنداعى كەسٸپكەرلەردٸ قولداۋعا قاتىستى پٸكٸر بٸلدٸردٸ, دەپ حابارلايدى قازاقپارات.
«بٸرٸنشٸدەن, ٷكٸمەت دۇرىس شەشٸم قابىلدادى. وسى ورايدا جەم-شٶپ, مال ازىعىن سىرتقا شىعارۋعا تىيىم سالىندى. بۇل ٶز كەزەگٸندە ٸشكٸ نارىقتى قامتاماسىز ەتۋ ٷشٸن ماڭىزدى. الداعى 1 قىركٷيەكتەن باستاپ 5-ساناتتى بيدايعا, ارپاعا كۆوتا ەنگٸزۋ مەسەلەسٸ قارالىپ وتىر. بۇعان دا وڭ كٶزقاراس بار. بىلتىر وسى كۆوتالاردى ەنگٸزۋ بويىنشا تەجٸريبە جينادىق», - دەدٸ مىرزاحمەتوۆ ٷكٸمەت وتىرىسىندا.
سونىمەن قاتار ول فورۆاردتى ساتىپ الۋ قادامدارىنا توقتالدى.
«بۇل كەسٸپكەرلەرگە اينالىم اقشا الۋعا ٶتە تيٸمدٸ تەتٸك بولىپ وتىر. ٶتكەن جىلى 24 ملرد 500 ملن تەڭگە بٶلٸنسە, بيىل 40 ميلليردقا دەيٸن كٶبەيتٸلدٸ. ونى اۋىل شارۋاشىلىعى تاۋارىن ٶندٸرۋشٸلەردٸ جاقسى قولداۋ دەپ باعالايمىز. اۋىل شارۋاشىلىعى تاۋارىن ٶندٸرۋشٸلەردٸڭ الدىندا بٸر عانا مٸندەت بار – ول ٶزٸنٸڭ ەگٸنٸن جيناعاننان كەيٸن, ناقتى باعامەن تاۋارىن ازىق-تٷلٸك كەلٸسٸمشارت كورپوراتسيياسىنا ٶتكٸزۋٸ كەرەك», - دەدٸ «اتامەكەن» ۇلتتىق كەسٸپكەرلەر پالاتاسىنىڭ باسقارما تٶراعاسى.
«قۇرعاقشىلىق بولعان ٶڭٸرلەردەگٸ كەسٸپكەرلەردٸڭ نەسيە بويىنشا مەسەلەسٸ بار. ٶتكەن جىلى جاقسى تەجٸريبە جينادىق, تٶلەمدٸ كەيٸنگە شەگەرۋ قادامدارى بار. ەگٸن جيناۋ ناۋقانى اياقتالعاننان كەيٸن, بۇل مەسەلە قازان ايىندا كٶتەرٸلۋٸ مٷمكٸن. سوندىقتان ونى قازٸردەن پىسىقتاۋ ٶتٸنٸشٸ بار», - دەدٸ ابىلاي مىرزاحمەتوۆ.
