QR Prezidenti Ekologiia, geologiia jáne tabiǵi resýrstar ministri Maǵzum Myrzaǵalievti qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa Ekologiia, geologiia jáne tabiǵi resýrstar ministrliginiń ótken jylǵy jumysynyń negizgi nátijeleri, sondai-aq, aldaǵy ýaqyttaǵy josparlary týraly baiandaldy.
Maǵzum Myrzaǵaliev Memleket basshysyna biylǵy ósimdik ósetin kezeńdi sýmen qamtamasyz etý máseleleri jaiynda aitty.
Ministrdiń aitýynsha, biyl qardyń az túsýine bailanysty elimizde sý tapshylyǵy bolýy múmkin. Bul rette Prezident sý arnalaryn tsifrlandyrý jónindegi jumystyń mańyzdylyǵyn atap ótti. Aldaǵy 5 jyl ishinde búkil respýblika boiynsha 119 arnany tsifrlandyrý qajet.
Qasym-Jomart Toqaevqa balyq sharýashylyǵyn damytýdyń 2030 jylǵa deiingi baǵdarlamasy júzege asyryla bastaǵany jaiynda aityldy.
Maǵzum Myrzaǵalievtiń pikirinshe, 10 jyl ishinde balyq óndirisin 9 myńnan 270 myń tonnaǵa deiin arttyrýǵa múmkindik bar.
Sonymen qatar Prezidentke geologiialyq barlaý, ekologiialyq týrizm jáne ulttyq parkterdiń jai-kúii týraly aqparat berildi.
Kezdesý sońynda Memleket basshysy Ekologiia, geologiia jáne tabiǵi resýrstar ministrine birqatar naqty tapsyrma berdi.
