قر پرەزيدەنتٸ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆتٸ قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆقا ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ ٶتكەن جىلعى جۇمىسىنىڭ نەگٸزگٸ نەتيجەلەرٸ, سونداي-اق, الداعى ۋاقىتتاعى جوسپارلارى تۋرالى باياندالدى.
ماعزۇم مىرزاعاليەۆ مەملەكەت باسشىسىنا بيىلعى ٶسٸمدٸك ٶسەتٸن كەزەڭدٸ سۋمەن قامتاماسىز ەتۋ مەسەلەلەرٸ جايىندا ايتتى.
مينيستردٸڭ ايتۋىنشا, بيىل قاردىڭ از تٷسۋٸنە بايلانىستى ەلٸمٸزدە سۋ تاپشىلىعى بولۋى مٷمكٸن. بۇل رەتتە پرەزيدەنت سۋ ارنالارىن تسيفرلاندىرۋ جٶنٸندەگٸ جۇمىستىڭ ماڭىزدىلىعىن اتاپ ٶتتٸ. الداعى 5 جىل ٸشٸندە بٷكٸل رەسپۋبليكا بويىنشا 119 ارنانى تسيفرلاندىرۋ قاجەت.
قاسىم-جومارت توقاەۆقا بالىق شارۋاشىلىعىن دامىتۋدىڭ 2030 جىلعا دەيٸنگٸ باعدارلاماسى جٷزەگە اسىرىلا باستاعانى جايىندا ايتىلدى.
ماعزۇم مىرزاعاليەۆتٸڭ پٸكٸرٸنشە, 10 جىل ٸشٸندە بالىق ٶندٸرٸسٸن 9 مىڭنان 270 مىڭ تونناعا دەيٸن ارتتىرۋعا مٷمكٸندٸك بار.
سونىمەن قاتار پرەزيدەنتكە گەولوگييالىق بارلاۋ, ەكولوگييالىق تۋريزم جەنە ۇلتتىق پاركتەردٸڭ جاي-كٷيٸ تۋرالى اقپارات بەرٸلدٸ.
كەزدەسۋ سوڭىندا مەملەكەت باسشىسى ەكولوگييا, گەولوگييا جەنە تابيعي رەسۋرستار مينيسترٸنە بٸرقاتار ناقتى تاپسىرما بەردٸ.
