2016 jyldyń jeltoqsany men 2017 jyldyń aqpany aralyǵynda 10 myńnan asa qazaqstandyqqa raqymshylyq jasaldy, - dep habarlaidy "Ult aqparat" tilshisi kaz.tengrinews.kz portalyna silteme jasap.
"QR Bas prokýratýrasynyń Quqyqtyq statistika jáne arnaiy esepke alý komitetine Sot organdary bergen málimet boiynsha, 2016 jyldyń 13 jeltoqsany men 2017 jyldyń 28 aqpany aralyǵy 10761 tulǵanyń raqymshylyqqa bailanysty jazadan bosatý nemese jeńildetý týraly shaǵymy qanaǵattandyryldy", - dep jaýap berdi komitet ókilderi redaktsiianyń resmi saýalyna.
Olardyń ishinde 1168 adam bostandyqqa shyqty, 792 adamǵa qatysty sotqa deiingi tergeý toqtatyldy, 376 adam sot úkimi boiynsha qylmystyq jaýapkershilikten bosatyldy.
Qylmystyq istiń kópshiligi QR QK-niń 286-babyna ("Esirtki qoldaný") qatysty toqtatylǵan.
QR QK-niń "Urlyq" babyna qatysty 124 sottalýshy bostandyqqa shyqty, 36 kúdiktige qatysty tergeý toqtatyldy.
Ózin qorǵaý sharalaryn asyra qoldanyp, abaisyzda adam óltirip alǵany úshin sottalǵan eki adam bosatyldy.
Aliment tólemegen 34 ata-anaǵa qatysty qylmystyq is toqtatyldy jáne sottalǵan bir adam bosatyldy.
31 alaiaq koloniiadan bosatyldy, al osy bap boiynsha 33 kúdikti qylmystyq jaýapkershilikten qutyldy.
Kólik urlaǵan 20 kúdiktige qatysty qylmystyq is toqtatyldy jáne sottalǵan segiz adam bostandyqqa shyqty.
Buzaqylyq baby boiynsha sottalǵan alty adam bosatyldy, 11 kúdiktige qatysty qylmystyq is toqtatyldy.
Munyń aldynda jemqorlyq boiynsha kúdikti segiz adamǵa qatysty qylmystyq is toqtatylyp, 18 sottalýshy raqymshylyq boiynsha bosatyldy. Aqtóbe men Pavlodar oblysynda zorlaý boiynsha sottalǵan eki adamǵa raqymshylyp jasalyp, bostandyqqa shyqty.
Aqpannyń basynda QR IIM Qylmystyq-atqarý júiesi komiteti raqymshylyq týraly zań kúshine engennen bastap elimizdiń sot organdary 4,5 myń materialdy qaraǵanyn málimdegen. Qyzylorda, Shyǵys Qaaqstan jáne Qaraǵandy oblystarynyń QAJ mekemelerinen kóbirek sottalýshy bosatyldy.
Raqymshylyq týraly zań 2016 jyldyń 13 jeltoqsanynda qabyldandy. Bul 1991 jyldan beri jasalǵan segizinshi raqymshylyq.
