Foto: gov.kz
Túrkistan oblysynda 24 sáýir kúni shamamen 1000 bas usaq maldy zańsyz shetelge shyǵarmaq bolǵan toptyń áreketi toqtatyldy. Jedel sharalar barysynda memlekettik shekaradaǵy ótkizý beketteriniń birinde mal tielgen birneshe júk kóligi ustalǵan, dep habarlaidy Ult.kz.
Atalǵan derek boiynsha qylmystyq is qozǵalyp, tergeý bastaldy. Tártip saqshylary janýarlar men kólik quraldaryn tárkiledi.
Aldyn ala málimetke sáikes, kúdiktiler qoldanystaǵy shekteýlerge qaramastan jalǵan qujattar men qalyptasqan zańsyz arnalardy paidalanǵan.
Bul sharalar ishki naryqty qorǵaýǵa, azyq-túlik qaýipsizdigin qamtamasyz etýge jáne baǵanyń turaqtylyǵyn saqtaýǵa baǵyttalǵan. Osyǵan bailanysty Ishki ister ministrligi aýyl sharýashylyǵy janýarlaryn zańsyz eksporttaýǵa qarsy jumysty kúsheitip otyr.
Eske sala keteiik, buǵan deiin Jambyl oblysynda da mal urlyǵymen ainalysqan eki top qolǵa túsken.
