Máskeýde Nikitskii kóshesinde Mianma elshiliginiń aldynda musylmandar ruqsat etilmegen miting ótkizip jatyr, - dep habarlaidy "Vedomosti".
Resei astanasynda búgin júzdegen musylman Mianmada etnikalyq rohindja tobyn qýdalaýǵa salýǵa narazylyq bildirip, qala ortalyǵynda ruqsat etilmegen aktsiiaǵa shyqqan. Reseilik "Dojd" telearnasynyń habarlaýynsha, Máskeýdegi Mianma elshiligi janyna jinalǵan narazylar "Allahý akbar!" dep aiǵailaǵan. Ol jerde turǵan politsiia ókilderi narazylyq aktsiiasyna aralaspai, syrttai baqylap tur.
Turǵyndarynyń basym bóligi býddizm dinin ustanatyn Mianma respýblikasynda musylman rohindjalar jergilikti bilik tarapynan qysym kórip otyr. Etnikalyq azshylyq toptyń 75 myńnan astam ókili jaqynda elden qashýǵa májbúr bolǵan. Mianmada sońǵy aptalarda býddister men musylmandar arasyndaǵy qaqtyǵystar saldarynan 400-den astam adam mert bolǵan.
Resei quramyndaǵy Sheshenstannyń basshysy Ramzan Qadyrov Mianmadaǵy musylmandardy qýdalaýdy aiyptaǵan. Sheshenstanmen kórshi Daǵystanda rohindjalardy qoldaý aktsiiasy ótken.
Resei syrtqy ister ministrligi Mianmadaǵy jaǵdaiǵa Máskeýdiń "muqiiat nazar aýdaryp" otyrǵany týraly málimdep, janjalǵa qatysýshy taraptardy dialog ornatýǵa shaqyrǵan.
Bul elde jaǵdai 25 tamyzda ýshyǵyp ketken, jergilikti biliktiń málimetinshe, qaqtyǵys "Arakan áskeri rohindja sodyrlarynyń" Rakhain shtatynda (eski ataýy - Arakan) 30 politsiia beketine jáne armiia kazarmasyna jasaǵan shabýylynan bastalǵan-mys.
Qazaqstandyqtar áleýmettik jelilerde #arakan #rohingnya #arakan #prayforrohingya heshtegteri boiynsha jazba qaldyryp jatyr.
