مەسكەۋدە نيكيتسكيي كٶشەسٸندە ميانما ەلشٸلٸگٸنٸڭ الدىندا مۇسىلماندار رۇقسات ەتٸلمەگەن ميتينگ ٶتكٸزٸپ جاتىر, - دەپ حابارلايدى "ۆەدوموستي".
رەسەي استاناسىندا بٷگٸن جٷزدەگەن مۇسىلمان ميانمادا ەتنيكالىق روحيندجا توبىن قۋدالاۋعا سالۋعا نارازىلىق بٸلدٸرٸپ, قالا ورتالىعىندا رۇقسات ەتٸلمەگەن اكتسيياعا شىققان. رەسەيلٸك "دوجد" تەلەارناسىنىڭ حابارلاۋىنشا, مەسكەۋدەگٸ ميانما ەلشٸلٸگٸ جانىنا جينالعان نارازىلار "اللاحۋ اكبار!" دەپ ايعايلاعان. ول جەردە تۇرعان پوليتسييا ٶكٸلدەرٸ نارازىلىق اكتسيياسىنا ارالاسپاي, سىرتتاي باقىلاپ تۇر.
تۇرعىندارىنىڭ باسىم بٶلٸگٸ بۋدديزم دٸنٸن ۇستاناتىن ميانما رەسپۋبليكاسىندا مۇسىلمان روحيندجالار جەرگٸلٸكتٸ بيلٸك تاراپىنان قىسىم كٶرٸپ وتىر. ەتنيكالىق ازشىلىق توپتىڭ 75 مىڭنان استام ٶكٸلٸ جاقىندا ەلدەن قاشۋعا مەجبٷر بولعان. ميانمادا سوڭعى اپتالاردا بۋدديستەر مەن مۇسىلماندار اراسىنداعى قاقتىعىستار سالدارىنان 400-دەن استام ادام مەرت بولعان.
رەسەي قۇرامىنداعى شەشەنستاننىڭ باسشىسى رامزان قادىروۆ ميانماداعى مۇسىلمانداردى قۋدالاۋدى ايىپتاعان. شەشەنستانمەن كٶرشٸ داعىستاندا روحيندجالاردى قولداۋ اكتسيياسى ٶتكەن.
رەسەي سىرتقى ٸستەر مينيسترلٸگٸ ميانماداعى جاعدايعا مەسكەۋدٸڭ "مۇقييات نازار اۋدارىپ" وتىرعانى تۋرالى مەلٸمدەپ, جانجالعا قاتىسۋشى تاراپتاردى ديالوگ ورناتۋعا شاقىرعان.
بۇل ەلدە جاعداي 25 تامىزدا ۋشىعىپ كەتكەن, جەرگٸلٸكتٸ بيلٸكتٸڭ مەلٸمەتٸنشە, قاقتىعىس "اراكان ەسكەرٸ روحيندجا سودىرلارىنىڭ" راكحاين شتاتىندا (ەسكٸ اتاۋى - اراكان) 30 پوليتسييا بەكەتٸنە جەنە ارمييا كازارماسىنا جاساعان شابۋىلىنان باستالعان-مىس.
قازاقستاندىقتار ەلەۋمەتتٸك جەلٸلەردە #arakan #rohingnya #اراكان #prayforrohingya حەشتەگتەرٸ بويىنشا جازبا قالدىرىپ جاتىر.
