Mádeniet jáne sport ministri Aqtoty Raiymqulova qandai jaǵdaida mýzei ishindegi fototúsirilim úshin aqy talap etiletinin aityp berdi, dep habarlaidy "Ult aqparat".
«QR mádenieti týraly zańǵa sáikes, qai uiym bolsa da bizdiń mádeni qundylyqtarymyz ben muramyzdy tolyq tamashalai alatyndai jaǵdai jasaýy kerek. Mádeniet týraly zańnyń 25-babynyń 4-tarmaǵyna sáikes, memlekettik murajailar men mýzei-qoryqtar ózderiniń negizgi qyzmetinen tys jumystardy júrgizip, taýarlar men qyzmetterdi satýǵa quqyly. Iaǵni, olar jeke jáne zańdy tulǵalarmen kelisim boiynsha mindetinen tys qyzmetter úshin tólem alýǵa quqyly. Árine, búgin de ministrlikke vedomstvolyq baǵynyshty uiymdarda beinejazbalar ózara kelisim boiynsha nemese kelissózderge sáikes júrgiziledi», - dedi Aqtoty Raiymqulova OKQ brifinginde.
Ministrdiń aitýynsha fototúsirilim tegin júrgiziledi.
«Bul baǵytta biz jergilikti atqarýshy organdarmen, Qazaqstan Respýblikasynyń vedomstvolyq baǵynyshty uiymdarymen túsindirý jumystaryn júrgizip jatyrmyz. Bizdiń ustanymymyz: mádeni muralarymyz, mýzeilerimiz, teatrlarymyz halqymyz úshin tolyq qol jetimdi bolýy kerek. Árine, eger aqyly qyzmetterdiń baǵalary kórsetilgen belgili bir preiskýrant bolsa, ol mindetti túrde usynylýy kerek jáne ony ózara kelisim boiynsha júzege asyrýǵa bolady. Biraq kez-kelgen jaǵdaida ekijaqty mámile bolýy kerektigin eskertemiz», - dedi ol.
