Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy
Aimaq

Muz astyna túsip ketti: atyraýlyq vahtashylar avtobýs tóbesinde eki saǵat otyrdy

Ult portaly
Muz astyna túsip ketti: atyraýlyq vahtashylar avtobýs tóbesinde eki saǵat otyrdy


"Qazmunaigaz qubyr servis" vahtashylary Atyraýǵa qaityp bara jatqanda avtobýstary muz astyna túsip ketti, adamdar avtobýs tóbesinde eki saǵatqa jýyq otyrǵan, - dep habarlaidy Tengrinews.kz tilshisi "Aqtóbe Taims" saityna silteme jasap. 

Tańerteń burǵylaýshylar eki avtobýspen úige qaityp bara jatqan. Olar Jem ózeni arqyly ótpek bolyp, osyndai jaǵdaiǵa tap boldy. Aqtóbe oblysy Baiǵanin aýdany Jarqamys aýyldyq okrýginiń ákimi Asylhan Jubanalinniń sózinshe, olar qysta osy jolmen júretin. 

"Muz birtindep shytynap, olar ózenniń ortasyna jetkende kólik túsip ketti. Avtobýstar sýǵa tola bastady. Adamdar avtobýstyń joǵarǵy jaǵyndaǵy liýk arqyly kóterilip, tóbege shyqty. Er adamdar basshylyǵyna qońyraý shalyp, kómek surady. Tańǵy saǵat 8-den 10-ǵa deiin 25-ke jýyq adam ózen ortasynda avtobýstardyń ústinde otyrdy", - deidi ol.

Jubanalin TJ qyzmetkerleri men ákimdik olarǵa kómektespegenin aitty, óitkeni Jarqamys aýdan ortalyǵynan 200 shaqyrym jerde ornalasqan.

"Jumys berýshi arnaiy tehnikamen kelip, adamdardy sýdan shyǵýǵa kómektesti", - dedi ákim.

Tótenshe jaǵdailar departamenti munai kompaniialaryn sý tasqyny týraly eskertkenin málimdedi.

"Vahtashylarǵa eshqaida shyqpańdar dedi, olar tyńdamady! Olar kóktem kelgenin bilip turyp tik jolmen júrýdi uiǵardy. Naqty nusqaýlyq boldy, barlyq uiymdy osyndai kezeńnen bastap júrýge bolmaitynyn jazbasha túrde eskerttik", - dedi Aqtóbe oblystyq TJD basqarma basshysy Qumar Turmaǵambetov.

Oqi otyryńyz