«Qazatomónerkásip» ulttyq kompaniiasynyń burynǵy basshysy Muhtar Jákishev-tiń qyzy Altynai Jákishevanyń Londonda nekesi qiylǵany belgili boldy. Jas kelin bul qýanyshty jańalyǵyn áleýmettik jelide bólisip, endi resmi túrde «Mrs. OJ» atanǵanyn jazdy, dep habarlaidy ult.kz.
Aqparatqa sáikes, neke qiiý rásimi 9 mamyr kúni Ulybritaniia astanasyndaǵy London ratýshasynda ótken. Sharaǵa tek jaqyn týystar ǵana qatysqan. Jeli qoldanýshylary saltanatty sáttiń qarapaiym ári talǵampaz formatta ótkenin atap ótip, jas jubailarǵa jyly lebizderin bildirýde.
Altynai Jákisheva qazirgi ýaqytta Londonda turady. Ol modeldik baǵytta jumys isteitini jáne investitsiialyq salamen bailanysty sheteldik azamatqa turmysqa shyqqany aitylady.
Foto: instagram áleýmetitik jelisinen
Óz paraqshasynda ol sol kúngi aýa raiy týraly da bólisip, bastapqyda jańbyr kútilgenimen, rásim kúni London aspany ashylyp, kúnniń jarqyraǵanyn jazǵan.
Eske salaiyq, Muhtar Jákishev — Qazaqstandaǵy iri ulttyq kompaniialardy basqarǵan, el ekonomikasyndaǵy aty jii talqylanatyn tulǵalardyń biri. Ol 1998–2009 jyldary «Qazatomónerkásip» kompaniiasyn basqarǵan. 2009 jyly sot sheshimimen bas bostandyǵynan aiyrylyp, 2020 jyly merziminen buryn bosatylǵan edi.
